Громадське радіо
Грома́дське ра́діо (з украінскай: Грамадскае радыё) — украінская недзяржаўная арганізацыя, мэта якой-стварэнне незалежнага радыёвяшчання ва Украіне.
Громадське радіо | |
---|---|
Горад | Кіеў, вул. Хрэшчатык, 26 |
Краіна | Украіна |
Слоган | Слухайте. Думайте |
Частата | 99,4 FM |
Час вяшчання | Кругласутачна |
Сайт | hromadske.radio |
Анлайн-трансляцыя | stream-ps-hi |
Цяпер існуе другая арганізацыя з такой жа назвай. Першае Громадське радіо было створана ў 2002 годзе журналістам Аляксандрам Крывенка. Адно з першых незалежных мэдыя ва Украіне праіснавала да 2005 года.
У 2013 годзе Громадське радіо аднавіла група прафэсійных журналістаў. Сёння радыё вядзе кругласутачны жывы эфір на 16 перадатчыках у шасці рэгіёнах Украіны, у прыватнасьці ў Данецкай і Луганскай абласьцях. Слухаць інфармацыйную радыёстанцыю можна таксама ў сетцы — на сайце hromadske.radio, на падкаст-платформах і ў мабільных прыкладаннях
10 кастрычніка 2019 года Громадське радіо перамагло ў конкурсе на FM-хвалю ў Кіеве і Кіеўскай вобласьці, атрымаўшы хвалю 99,4 FM[1].
Гісторыя першага Громадського радіо
правіцьЗаснавана ў 2002 годзе Львоўскім журналістам, рэдактарам і публіцыстам Аляксандрам Крывенка. Пасля беспаспяховых спробаў атрымаць ліцэнзію на радыёвяшчанне і смерці Крывенка ў 2003 годзе, Громадське радіо спыніла сваё існаванне ў 2005 годзе. Громадське радіо лічылася адной з першых незалежных і аб’ектыўных пляцовак ва Украіне, дзе маглі выказацца прадстаўнікі розных палітычных сіл насуперак цэнзуры[2].
З пачатку свайго існавання, падчас узмоцненай цэнзуры апошніх гадоў прэзідэнцтва Леаніда Данілавіча Кучмы[2], Громадське радіо беспаспяхова спрабавала атрымаць ліцэнзію на радыёвяшчанне ад Нацыянальнага савета па пытаннях тэлебачання і радыёвяшчання.
Значная частка тэматычных праграм гэтай радыёстанцыі (ток-шоу, аўтарскія праграмы, праграмы навін) распаўсюджвалася ў інтэрнэце ў форме подкастаў. З восені 2004 і да лютага 2005 года Громадське радіо вяшчала на працягу гадзіны ў тыдзень таксама і ў жывым эфіры ў Кіеве і іншых абласных цэнтрах на хвалях гутарковай-інфармацыйнага Радыё «Эра».
У лютым 2005 Громадське радіо спыніла сваё існаванне з-за спынення фінансавання з боку Міжнароднага фонду «Адраджэнне». Працу сайта radio.org.ua, на якім грунтавалася радыё, некаторы час падтрымлівала яго каманда ў памяць аб Аляксандры Крывенка і яго праекце. Цяпер гэты сайт не працуе.
Цяперашняе Громадське радіо
правіцьУ 2013 годзе іншая ініцыятыўная група прафесійных журналістаў заснавала новы праект пад той жа назвай, што падзяляе мэты Громадського радіо Аляксандра Крывенка. Першапачаткова журналісты запісвалі аўтарскія падкасты, пасля праект перарос у фармат вэб-радыё.
21 жніўня 2013 журналісты, у прыватнасці Андрэй Кулікоў, Наталля Сакаленка, Леся Сакада, Кірыл Лукерэнка і Ірына Славінская, выпусцілі «першы падкаст», у якім патлумачылі, чаму яны вырашылі зноўку арганізаваць Громадське радіо.
У жывы эфір журналісты выйшлі 1 снежня 2013 на хвалі радыёстанцыі «Еўропа Плюс». У гэтым эфіры вядучы Андрэй Кулікоў вёў марафон «Еўрамайдан Анлайн» разам з вядучымі Europa Plus Украіна Юліяй Буркоўскай і Дзянісам Кубраком.
Праект выкарыстоўвае лагатып першага Громадського радіо з дазволу Міжнароднага фонду «Адраджэнне». Таксама спачатку Громадське радіо карысталася часткай абсталявання, якое засталося пасля закрыцця першага Громадського радіо.
З 2013 года праўленне ўзначальваў Аляксандр Бузюк, у 2015 годзе яго замяніў Андрэй Кулікоў.
У ліпені 2015 года Громадське радіо ў выніку конкурсу ліцэнзій Нацыянальнай рады Украіны па пытаннях тэлебачання і радыёвяшчання атрымала магчымасць вяшчаць на пяці частотах — у Кіеве і вобласці, Данецкай і Луганскай абласцях. Увосень 2015 пачало ўласнае вяшчанне на дзесяці перадатчыках на Данбасе і ў Кіеве (у сталіцы гэта УКХ дыяпазон).
У 2019 годзе Громадське радіо вяшчла на 16 перадатчыках ў шасці рэгіёнах Украіны. У прыватнасці, у Данецкай, Луганскай, Адэскай і Чаркаскай абласцях, у гарадах Кіеў і Днепр. Слухаюць Громадське радіо і на непадкантрольнай Украіне тэрыторыі. Вызвалены ад незаконнага ўтрымання ў калоніі «ДНР» Уладзімір Фомічаў распавядаў, што ў Горлаўцы, дзе яго ўтрымлівалі баевікі, слухаў таксама і Громадське радіо. Пра гэта ж казалі і былыя палонныя Ігар Казлоўскі і Станіслаў Асееў.
10 кастрычніка 2019 Громадське радіо, з’яўляючыся адзіным прэтэндэнтам і сабраўшы 120 тыс. грыўняў конкурснай гарантыі праз Краўдфандынг, перамагло ў конкурсе на частату 99,4 FM у Кіеве і Кіеўскай вобласці, дзе раней вяшчала радыёстанцыя Lounge FM медыяхолдынга УМХ[3][4]. Пачатак вяшчання было запланавана на 1 красавіка 2020 года[5].
Каманда
правіцьАндрэй Кулікоў — кіраўнік праўлення ГА «Громадське радіо».
Кірыл Лукерэнка — выканаўчы дырэктар ГА «Громадське радіо».
Таццяна Курманава — дырэктар ПАТ ТРК «Громадське радіо» і праграмны дырэктар радыё.
Таццяна Трашчынская — кіраўнік рэдакцыйнага савета Громадського радіо.
Спадарожнікавае вяшчанне
правіць- Спадарожнік Astra 4A.
- Частата-12073.
- Знакавая хуткасць-27500.
- Палярызацыя-гарызантальная.
- FEC — 3/4.
Зноскі
- ↑ Архіўная копія(недаступная спасылка). Архівавана з першакрыніцы 13 чэрвеня 2020. Праверана 18 мая 2021.
- ↑ а б https://www.pravda.com.ua/rus/articles/2005/02/18/4385808/
- ↑ ""Общественное радио" победило в конкурсе на FM-частоту в Киеве". 2019-10-10. Архіўная копія . Архівавана з першакрыніцы 13 чэрвеня 2020. Праверана 18 мая 2021.
- ↑ "Из-за «Громадського радio» УМХ самовольно меняет частоту вещания Lounge FM". 2019-12-23.
- ↑ "Громадське радіо почало мовити на 99,4 FM у Києві". 2020-03-31.
Спасылкі
правіць- Сайт Громадського радіо з 2002 па 2005 год
- Абноўлены сайт Громадського радіо
- Громадське радіо на YouTube
- Громадське радіо на Facebook
- Громадське радіо на SoundCloud