Грэйдар

Грэ́йдар (англ.: grader, ад англ.: grade — нівеліраваць) — землярыйная дарожна-будаўнічая машына. Рабочы орган грэйдара — адвал з нажом, якім зразаюць і разраўноўваюць грунт ці сыпкі будаўнічы матэрыял (пры стварэнні землянога палатна, планіроўцы адкосаў насыпаў і выемак, рамонце гравійных і грунтавых дарог). Прадукцыйнасць да 45 м³/ гадз. Разнавіднасць грэйдара -грэйдар-элеватар.

Аўтагрэйдар

Прычапны грэйдар

Падзяляюцца на прычапныя і самаходныя грэйдары (аўтагрэйдары). Прычапныя грйдэры бываюць лёгкія (з нажом да 2,5-3 метраў) і цяжкія (3,5-4,5 метраў). Аўтагрэйдары больш прадукцыйныя і манеўраныя, дадаткова могуць аснашчацца кіркоўшчыкам, плужным снегаачышчальнікам, бульдозерным адвалам, навясным скрэперам. Бываюць лёгкія (нож 2,5-3,5 метраў, магутнасць рухавіка да 55-67 кВт), сярэднія (3-3,6 метраў, 74-110 кВт) і цяжкія (3,6-3,8 метраў, больш як 150 кВт). Кіраванне рабочым органам грэйдара механічным або гідраўлічным прыводам.

Літаратура

• Беларуская энцыклапедыя: У 18 т. Т.5: Гальцы — Дагон / Рэдкал.: Г. П. Пашкоў і інш. — Мн.: БелЭн, 1997. — Т. 5. — С. 44. — 576 с. — 10 000 экз. — ISBN 985-11-0090-0.

Спасылкі

• На Вікісховішчы ёсць медыяфайлы па тэме Грэйдар