Гіпастаз

Гіпастаз (ад гіпа... і грэч. stásis — застой) — скапленне крыві ў капілярнай сетцы ніжэйшых частак цела і асобных органаў.

Прыжыццёвы гіпастаз абумоўлены сардэчнай недастатковасцю і развіваецца з прычыны вянознага застою.
Гіпастаз у лёгкіх ўзнікае пры вымушаным працяглым становішчы аслабленага хворага на спіне. Пры гэтым пагаршаецца кровазварот у лёгачным крузе, павялічваецца кіслароднае галаданне, часта развіваецца гіпастатычная пнеўманія.
Аганальны гіпастаз назіраецца пры працяглым паміранні па меры паслаблення дзейнасці сэрца.
Трупны гіпастаз выяўляецца праз 3-6 гадзін пасля смерці ў выглядзе фіялетавых або цёмна-барвовых плям на скуры ніжэйшых частак трупа з прычыны ацякання крыві. Час з'яўлення і інтэнсіўнасць гэтых плям маюць значэнне ў судова-медыцынскай практыцы для высвятлення часу і механізму смерці.

Літаратура правіць