Дом па завулку Мігая, 7 (Магілёў)

Дом па завулку Мігая, 7 — будынак у гістарычным цэнтры Магілёва.

Славутасць
Дом па завулку Мігая, 7
53°54′03″ пн. ш. 30°20′15″ у. д.
Краіна	Беларусь
Месцазнаходжанне	Магілёў
Дата пабудовы	1913 год
Статус	Гісторыка-культурная каштоўнасць Беларусі, шыфр 512Е000001
Медыяфайлы на Вікісховішчы

Гісторыя

Пабудаваны ў 1913 годзе як прыватнаўласніцкі асабняк. Паводле адной версіі належаў мясцоваму адвакату, паводле іншай — урачу, якія мелі тут кабінеты для прыёму. Пасля нацыяналізацыі будынак выкарыстоўваўся пад розныя адміністрацыйна-гаспадарчыя і культурныя патрэбы. У 1976 годзе ў ім размясцілася Магілёўская дзіцячая школа мастацтваў № 7.

У 2011 годзе ў будынку быў праведзены капітальны рамонт, былі абноўлены ўсе навучальныя класы, інжынерна-каналізацыйная інфраструктура, драўляны каркас вонкавай лесвіцы замянілі на металічны. У лютым 2020 года пачаўся другі этап рамонту будынка, быў адрамантаваны дах, абноўлена ляпніна, для адліўкі якой была зроблена спецыяльная форма з узорам першапачатковага выгляду дэкору, была заменена разбураная цэгла ў сценах.

Спасылкі

• На Вікісховішчы ёсць медыяфайлы па тэме Дом па завулку Мігая, 7 (Магілёў)