Каліпса (спадарожнік)

Каліпса (лац.: Calypso, стар.-грэч.: Καλυψώ) (першапачаткова S/1980 S25) — малы спадарожнік Сатурна.

Адкрыты 13 сакавіка 1980 групай навукоўцаў Паск'ю, Зейдэлманам, Баўмам і Кары разам з яшчэ некалькімі спадарожнікамі. Атрымаў сваю назву ў гонар німфы са старажытнагрэчаскай міфалогіі Каліпса. Каліпса знаходзіцца ў арбітальным рэзанансе з Тэфіяй ў кропцы Лагранжа L5. Спадарожнік мае няправільную форму з памерамі па восях 30 × 23 × 14 км.