Кізнер

Кізнер (руск.: Кизне́р) — пасёлак ва Удмурціі, адміністрацыйны цэнтр Кізнерскага раёна. Да 2007 года меў статус пасёлка гарадскога тыпу. Кізнер размешчаны на паўднёвым захадзе Удмурціі, праз пасёлак працякаюць рэкі Тыжма і Люга. За 2 км на поўнач ад пасёлка Кізнер размяшчаецца аднайменнае сяло Кізнер, ад якога спачатку чыгуначная станцыя, а потым пасёлак пры ёй атрымалі сваю назву.

Пасёлак Кізнер Краіна Расія Суб’ект федэрацыі Удмурція Муніцыпальны раён Кізнерскі раён[d] Каардынаты 56°17′00″ пн. ш. 51°30′40″ у. д. Насельніцтва 9 805 чал. (2015) Часавы пояс UTC+04:00 Тэлефонны код 34154 Паштовыя індэксы 427712 Код АКАТП 94226830001 Кізнер на карце Расіі ±

Гісторыя

У 1914 годзе пачалося будаўніцтва чыгункі Казань — Екацярынбург, якая праходзіць непадалёк ад вёскі Кізнер, у 1915 годзе на чыгунцы завяршаецца будаўніцтва станцыі Кізнер і неўзабаве побач з ёй з’яўляюцца першыя дамы.

2 кастрычніка 1942 года станцыя Кізнер атрымлівае статус пасёлка гарадскога тыпу, і ў яго пераводзіцца адміністрацыйны цэнтр Кізнерскага раёна. Пастановай дзяржаўнага савета Удмурцкай Рэспублікі № 836-10 ад 29 мая 2007 г. Кізнер становіцца пасёлкам сельскага тыпу.