Медаль «80 год Пагранічных войскаў Рэспублікі Беларусь»
юбілейны медаль
Меда́ль «80 год Паграні́чных во́йскаў Рэспу́блікі Белару́сь» — ведамасная ўзнагарода Дзяржаўнага камітэта пагранічных войскаў Рэспублікі Беларусь.
| Медаль «80 год Пагранічных войскаў Рэспублікі Беларусь» | |||
|---|---|---|---|
|
|||
| Краіна | Беларусь | ||
| Тып | Медаль | ||
| Каму ўручаецца | не ўручаецца | ||
| Дата заснавання | 25 лютага 1998 | ||
| Статус | ведамасная ўзнагарода | ||
Медаль заснаваны Загадам Старшыні Камітэта № 79 ад 25 лютага 1998 года да 80-й гадавіны пагранічных войскаў СССР (28 мая 1918 года дэкрэтам СНК РСФСР было створана Галоўнае ўпраўленне пагранічнай аховы).
Прадстаўленне да ўзнагароды
правіцьПрава на ўзнагароджанне мелі:
- асобы афіцэрскага складу, якія знаходзіліся да 28 мая 1998 года на воінскай службе ў пагранічных войсках і дасягнулі станоўчых вынікаў у аператыўна-службовай дзейнасці;
- прапаршчыкі (мічманы), якія знаходзіліся на воінскай службе ў пагранічных войсках, праслужылі ў іх да 28 мая 1998 года ў званні прапаршчыка (мічмана) 5 ці болей гадоў і дасягнулі станоўчых вынікаў у аператыўна-службовай дзейнасці;
- асобы афіцэрскага складу, звольненыя з воінскай службы ў запас або адстаўку, якія праслужылі ў пагранічных войсках 25 ці болей гадоў;
- асобы афіцэрскага складу — удзельнікі Вялікай Айчыннай вайны і прыраўнаваныя да іх;
- грамадзяне Рэспублікі Беларусь і іншых дзяржаў, якія ўнеслі значны ўклад у забеспячэнне нацыянальнай бяспекі на дзяржаўнай мяжы Рэспублікі Беларусь.