Мікраарганізмы
(Пасля перасылкі з Мікробы)
Мікраарганізмы, (мікробы) — назва зборнай групы жывых арганізмаў, якія занадта малыя для таго, каб быць бачнымі няўзброеным вокам (іх характэрны памер — меней 0,1 мм).
![](http://upload.wikimedia.org/wikipedia/commons/thumb/f/f0/Clostridium_botulinum.jpg/200px-Clostridium_botulinum.jpg)
У склад мікраарганізмаў уваходзяць як бяз’ядзерныя (пракарыёты: бактэрыі, археі), так і эўкарыёты: некаторыя грыбы, пратысты, але не вірусы, якія звычайна вылучаюць у асобную групу. Большасць мікраарганізмаў складаюцца з адной клеткі, але існуюць і шматклетачныя мікраарганізмы, таксама існуюць некаторыя аднаклеткавыя макраарганізмы, бачныя няўзброеным поглядам, напрыклад Thiomargarita namibiensis, прадстаўнікі роду Caulerpa (з’яўляюцца гіганцкімі полікарыёнамі). Вывучэннем гэтых арганізмаў займаецца навука мікрабіялогія.