Памятны знак у гонар партызан Баранавіцкага злучэння
Памятны знак у гонар партызан Баранавіцкага злучэння — помнік у Баранавічах.
| Помнік | |
| Памятны знак у гонар партызан Баранавіцкага злучэння | |
|---|---|
 | |
| 53°07′51″ пн. ш. 26°01′24″ у. д.HGЯO | |
| Краіна |
 Беларусь |
| Горад | Баранавічы |
| Архітэктар | Б. Тумашчык |
| Дата пабудовы | 2003 год |
| Статус |
 Гісторыка-культурная каштоўнасць Беларусі, шыфр 113Д000026 |
 |
|
Гісторыя правіць
У першыя месяцы акупацыі жыхары Баранавіцкага края пачалі барацьбу супраць акупантаў. Невялікія групкі людзей паступова аб’ядноўваліся ў атрады, якія затым увайшлі ў склад брыгад. К вясне 1943 года ў краі дзейнічала Баранавіцкае партызанскае злучэнне, якое налічвала больш за 30 тысяч чалавек. Узначальваў злучэнне Васіль Яфімавіч Чарнышоў, Герой Савецкага Саюза. 8 ліпеня 1944 партызаны прынялі актыўны ўдзел у вызваленні горада Баранавічы ад ворага.
Да 60-годдзя з дня ўтварэння злучэння ў скверы быў адкрыты помнік.
Апісанне правіць
На невысокім паўкруглым брустверы, які акаймляе ўмоўную зямлянку, па перыметру змешчана 10 дошак з сілуміна, на якіх пералічаны партызанскія зоны, брыгады і спецыяльныя атрады, якія ўваходзілі ў зоны, указаны прозвішчы камандзіраў зон і колькасць партызан, змагаўшыхся ў іх, змешчана інфармацыя аб дзейнасці Баранавіцкага партызанскага злучэння:
— у гады Вялікай Айчыннай вайны на тэрыторыі Баранавіцкай вобласці дзейнічала Баранавіцкае партызанскае злучэнне, якое ўзначальваў Васіль Яфімавіч Чарнышоў;
— на пачатак ліпеня 1944 года ў склад Баранавіцкага партызанскага злучэння ўваходзілі:
— у Івянецкай зоне — 5500 партызан, камандзір Р. А. Сідорак Брыгады: За Савецкую Беларусію, імя П. К. Панамарэнкі, І. В. Сталіна, М. А. Шчорса, В. П. Чкалава, асобныя атрады імя П. А. Алыбіна, М. І. Кутузава, 106-ы;
— у Лідскай зоне — 4200 партызан, камандзір Я. Д. Гапееў, брыгады 1-ая Баранавіцкая, «Уперад», імя Неўскага, Ф. Э. Дзяржынскага, С. М. Кірава, В. П. Чкалава;
— у Паўднёвай зоне — 2400 партызан, камандзір Ф. А. Баранаў, брыгады 20-ая імя В. С. Грызадубавай, 19-ая імя В. М. Молатава, 18-ая імя М. В. Фрунзе, асобныя атрады імя А. А. Жданава,С. М. Кірава, 620-ы імя В. І. Чапаева, 200-ы;
— у Стаўбцоўскай зоне — 3550 партызан, камандзір У. З. Царук Герой Савецкага Саюза, брыгады 1-ая Беларуская Кавалерыйская, «Камсамолец», 25 год БССР, Першамайская, імя Г. К. Жукава, А. В. Суворава;
— у Слонімскай зоне — 808 партызан, брыгада імя К. К. Ракасоўскага;
— у Шчучынскай зоне — 3200 партызан, камандзір С. П. Шупеня , брыгады імя Ленінскага камсамола, К. Я. Варашылава, Ленінская, «Перамога»;
— самастойныя фарміраванні — 1573 партызаны: брыгада «Няўлоўныя», атрады «Слаўны», «Навартары».
Падпольныя групы горада і раёна — групы спецыяльнага назначэння: Авангард, Буравеснік, Дружба, Знішчальнік, Арлы, Імклівы, Баявыя, Верныя, Зяблікава, Пераможац, Наватары, імя і. М. Банава Героя Савецкага Саюза[1].
Зноскі
Літаратура правіць
- Памяць: Гіст.-дакум. хроніка горада Баранавічы і Баранавіцкага раёна // Г. К. Кісялёў (галоўны рэдактар), Р. Б. Венцэль, М. К. Дзёмін і інш. (рэдкал.), М. І. Бернат (укладальнік). — Мн.: БЕЛТА, 2000. — 736 с.: іл. — ISBN 985-6302-28-5.
