Паміж небам і зямлёй: этнаастраномія
«Памі́ж не́бам і зямлё́й: этнаастрано́мія» — беларуская навуковая кніга Цімафея Авіліна, выдадзеная ў 2015 годзе. Кніга ўяўляе сабой першую спробу грунтоўнага абагульнення беларускага матэрыялу з этнаастраноміі, астраніміі і ўвогуле традыцыйных ведаў, датычных нябёсных целаў.[1] Гэта першая грунтоўная праца па этнаастраноміі на ўсёй постсавецкай прасторы.[2]
| Паміж небам і зямлёй: этнаастраномія | |
|---|---|
| Аўтар | Цімафей Авілін |
| Жанр | навуковая літаратура |
| Мова арыгінала | беларуская |
| Выдавецтва | «Тэхналогія» |
| Выпуск | 2015 |
| Старонак | 287 |
| ISBN | 978-985-458-261-0 |
Кніга складаецца з пяці раздзелаў, прысвечаных народным назвам зорак і сузор’яў, метэорам, зоркам у фальклоры і плямам на Месяцы. У кнізе ёсць дадаткі з тэкстамі палявых экспедыцый і 34 мапы, якія адлюстроўваюць, дзе на Беларусі якая назва была распаўсюджана. У кнізе сабраны звесткі за XVIII—XXI стст. у Беларусі і дададзены факты з крыніц суседніх краін.[2]
Анатацыя
правіцьМы ведаем старажытныя міфы і легенды розных народаў пра зоркі. А ці былі ў беларусаў свае легенды пра нябёсных жыхароў? Як чалавек традыцыйнай культуры ўспрымаў неба і аб’екты на ім? На гэтыя ды іншыя пытанні чытач знойдзе адказы ў прапанаванай кнізе. Тут разглядаюцца народныя ўяўленні, звязаныя з зоркамі, сузор’ямі, метэорамі і Месяцам. Крыніцамі матэрыялу паслужылі экспедыцыйныя запісы аўтара і іншых даследнікаў, творы беларускага фальклору, а таксама “кніжная” народная астраномія з старажытнай усходнеславянскай літаратуры.
Гэта першая спроба абагульнення беларускага матэрыялу з этнаастраноміі, астраніміі і ўвогуле традыцыйных ведаў, датычных нябёсных целаў.
Адрасуецца фалькларыстам, этнолагам, этналінгвістам і шырокаму колу чытачоў, якія цікавяцца традыцыйнай духоўнай культурай.[1][3]
Зноскі
правіць- ↑ а б Этнаастраномія 2015, с. 4.
- ↑ а б Алена Кавальчук.. Чаму нельга паказваць пальцам на неба? Адказ у кнізе “Этнаастраномія” Цімафея Авіліна (недаступная спасылка). «Твой стыль» (1 снежня 2015). Архівавана з першакрыніцы 1 кастрычніка 2018. Праверана 15 верасня 2018.
- ↑ Этнаастраномія. Паміж небам і зямлёй (руск.)(недаступная спасылка). Архівавана з першакрыніцы 29 верасня 2018. Праверана 15 верасня 2018.
Літаратура
правіць- Цімафей Авілін. Паміж небам і зямлёй: этнаастраномія. — Мінск: Тэхналогія, 2015. — 287 с. — 500 экз. — ISBN 978-985-458-261-0.