Прамысловы кантролер
Прамысловы кантролер — кіруючая прылада (кантролер ад англ.: control — кіраваць), ужывальная ў прамысловасці і іншых галінах па ўмовах выкарыстання і задачам, блізкім да прамысловых (напрыклад, на транспарце). Ужываецца для аўтаматызацыі тэхналагічных працэсаў, у быце — для кіравання кліматам і інш.
Шырокі тэрмін, які ахоплівае мноства магчымых рэалізацый:
- Праграмавальныя лагічныя кантролеры і блізка акрэсленыя да іх праграмавальныя інтэлектуальныя рэле;
- Убудавальныя электронныя кантролеры;
- Прылады кіравання на аснове механічных, гідраўлічных, пнеўматычных, электрычных і электронных схем, створаныя да ўкаранення ў сістэмы аўтаматызацыі вылічальнай тэхнікі; захоўваюцца дзякуючы таму, што аптымальна вырашаюць некаторыя прыватныя задачы кіравання ў пэўных прыладах, напрыклад кантролер электрычнага рухавіка.