Пратэсты ў Башкартастане (2024)
Пратэсты ў Башкартастане — канфлікт у Рэспубліцы Башкартастан, выкліканы ўзбуджэннем крымінальнай справы ў дачыненні да башкірскага актывіста Фаіля Алсынава[1].
| Пратэсты ў Башкартастане | |||||||||||||
|---|---|---|---|---|---|---|---|---|---|---|---|---|---|
| |||||||||||||
| Ключавыя фігуры | |||||||||||||
| Пратэстоўцы | Урад і сілавікі Рэспублікі | ||||||||||||
| Лік удзельнікаў | |||||||||||||
| ад 1 000 да 10 000 чалавек | невядома | ||||||||||||
Перадгісторыя
правіцьУ красавіку 2023 года Фаіль Алсынаў прымаў удзел у пратэстах у вёсцы Ішмурзіна ў Баймакскім раёне Башкартастана, супраць геолагаразведачных работ у раёне сяла на горным хрыбце Ірандык[2][3]. Акцыя была зладжана з мэтай недапушчэння здабычы рэсурсаў, так як кампаніі і іх арганізатары мелі негатыўную рэпутацыю і былі афіляваныя з Урадам Рэспублікі[4].
У кастрычніку ў паліцыю на Алсынава была напісана заява, асабіста кіраўніком Рэспублікі Башкартастан Радыем Хабіравым. У заяве было ўказана, што актывіст публічна выступіў на сходзе грамадзян каля сельскага дома культуры з прамовай негатыўнага зместу ў адносінах да армянаў, каўказцаў і выхадцаў з Сярэдняй Азіі. Паводле Хабірава, інцыдэнт здарыўся на красавіцкім мітынгу[2].
Храналогія
правіцьУ студзені 2024 года пракуратура запрасіла 4 гады калоніі для Фаіля Алсынава. На працягу судовых слуханняў праходзілі шматтысячныя мітынгі ў абарону Алсынава[5]. 15 студзеня ў Баймаке прайшло трэцяе судовае пасяджэнне, падчас якога абвяшчэнне прысуду было прызначанае на 17 студзеня. На суд прыехала падтрымаць Алсынава, паводле розных ацэнак, ад 1 да 5 тысяч чалавек[6].
16 студзеня Алсынаў быў унесены ў спіс экстрэмістаў[7]. На наступны дзень мужчына асуджаны на 4 гады пазбаўлення волі[2]. У гэты ж час ля будынка суда пачаліся пратэсты. Таксама адзначаныя сутыкненні з сілавікамі, былі затрыманні ўдзельнікаў і прыхільнікаў[8][9]. Колькасць пратэстоўцаў дасягнула парадку 10 тысяч чалавек, прытым што насельніцтва Баймака — 17,7 тысячы чалавек[10].
19 студзеня ва Уфе на плошчы Салавата Юлаева прайшоў мітынг, які быў разагнаны сілавікамі[11].
Рэакцыя
правіцьAmnesty International заявілі, што ў дачыненні да пратэстоўцаў была ўжытая неапраўданая сіла. У дачыненні да шэрагу пратэстоўцаў былі распачатыя крымінальныя справы, якія ўяўляюцца цалкам неабгрунтаванымі[12]. Некалькі дзясяткаў пратэстоўцаў атрымалі адміністрацыйныя арышты. Былі праведзеныя затрыманні і ператрусы[13][14].
Заўвагі
правіць- ↑ В Башкирии сотни людей пришли к суду поддержать активиста, защищавшего шихан Куштау (руск.). BBC News Русская служба (15 студзеня 2024). Праверана 17 студзеня 2024.
- ↑ а б в Башкирского активиста Фаиля Алсынова приговорили к четырем годам колонии.
- ↑ От Куштау до Баймака. Кто такой Фаиль Алсынов и против чего он выступает?
- ↑ Idel.Realities, RFE/RL's. "Former Leader Of Banned Group In Russia's Bashkortostan Faces Charge Of Inciting Hatred". RadioFreeEurope/RadioLiberty(англ.). Праверана 2024-01-11.
- ↑ В Башкортостане около тысячи человек вышли на акцию в защиту активиста Фаиля Алсынова. Они потребовали отправить в отставку главу республики. meduza.io (15 января 2024).
- ↑ В Башкирии сотни людей пришли к суду поддержать активиста, защищавшего шихан Куштау (руск.). BBC News Русская служба (15 студзеня 2024). Праверана 15 студзеня 2024.
- ↑ Башкирского активиста Фаиля Алсынова внесли в перечень "экстремистов".
- ↑ В Башкортостане после массовой акции задержали четырех сторонников экоактивиста Фаиля Алсынова – его судят по делу о "разжигании вражды".
- ↑ В Башкортостане задержали сторонников экоактивиста.
- ↑ Общие сведения о Баймакском районе Республики Башкортостан (руск.). Центральная избирательная комиссия Республики Башкортостан.(недаступная спасылка)
- ↑ В Уфе прошла акция в поддержку башкирского активиста – DW – 19.01.2024 (руск.). dw.com. Праверана 19 студзеня 2024.
- ↑ Russia: Use of force by police in Bashkortostan protests should be investigated (англ.). Amnesty International (19 студзеня 2024). Праверана 20 студзеня 2024.
- ↑ Russia hands down criminal charges following rare large protest (англ.). Al Jazeera. Праверана 23 студзеня 2024.
- ↑ Russia hands down criminal charges following rare large protest (англ.). Al Jazeera. Праверана 23 студзеня 2024.