Пратэсты ў Празе (2019)
23 чэрвеня 2019 года ў Празе прайшла масавая акцыя пратэсту з патрабаваннем адстаўкі прэм’ер-міністра Андрэя Бабіша. У ёй, па розных звестках, прынялі ўдзел ад 200 да 250 тысяч чалавек. У акцыі прынялі ўдзел людзі з усёй Чэхіі. Многія спецыяльна прыехалі ў Прагу з аддаленых раёнаў. Квіткі на цягнікі і аўтобусы да Прагі былі выкупленыя яшчэ ў пачатку тыдня[1].
| Пратэсты ў Празе | |||||||||
|---|---|---|---|---|---|---|---|---|---|
| |||||||||
| |||||||||
| Бакі канфлікту | |||||||||
 Пратэстоўцы
|
Урад
| ||||||||
| Ключавыя фігуры | |||||||||
| невядома | Андрай Бабіш | ||||||||
| Лік удзельнікаў | |||||||||
| 200 000—250 000 чалавек | — | ||||||||
Акцыі пратэсту
правіцьГалоўным патрабаваннем пратэстоўцаў была адстаўка прэм’ер-міністра Бабіша. Удзельнікі акцыі неслі ў руках плакаты з патрабаваннямі адстаўкі палітыка. Акцыі праходзілі пад лозунгамі «Ганьба Бабішу» і «Усё залежыць ад нас». Пратэстоўцы абвінавацілі прэм’ер-міністра краіны ў розных злачынствах і запатрабавалі яго адстаўкі. У парламенце Чэхіі планавалася галасаванне аб недаверы Бабішу[2].
Гэта не першы пратэст супраць прэм’ера Бабіша. Так, у красавіку 2018 года больш чым у 20 гарадах Чэхіі праходзілі мітынгі супраць прызначэння Андрэя Бабіша прэм’ер-міністрам Чэшскай Рэспублікі. У ходзе пратэстаў удзельнікі падпісвалі петыцыі за недапушчэнне Бабіша да ўдзелу ва ўрадзе, якія затым перададуць у Пражскі град[3].
Раней Бабіш неаднаразова крытыкаваўся СМІ і апазіцыйнымі партыямі як алігарх, чый высокі ўрадавы пост цягне за сабой канфлікт інтарэсаў з яго камерцыйнымі матывамі. Па гэтай прычыне яго параўноўвалі з Сільвіё Берлусконі: напрыклад, часопіс Foreign Policy назваў яго «Бабісконі», у адказ на што Бабіш пагражаў падаць у суд[4].
Гэта найбуйнейшая за 30 гадоў акцыя пратэсту ў Чэхіі з часоў Аксамітнай рэвалюцыі 1989 году[5]. Сваю падтрымку пратэстаў выказалі розныя чэшскія знакамітасці, да прыкладу Здэнек Сверак і Томаш Клус. Крытычна да пратэстаў паставіўся былы прэзідэнт Чэхіі Вацлаў Клаўс[6]. Замежныя аглядчыкі адзначалі спакойную і прыязную атмасферу дэманстрацый, называючы іх «вялікім пікніком»[7].
Зноскі
- ↑ 250 тысяч митингующих в Праге потребовали отставки премьера Бабиша
- ↑ «Гнездо аиста» подвело чешского премьера Бабиша
- ↑ В Чехии проходят митинги против назначения премьером миллиардера Бабиша
- ↑ "Now the Czechs Have an Oligarch Problem, Too". Foreign Policy. 10 April 2015. Праверана 17 June 2015.
- ↑ В Чехии прошла крупнейшая за 30 лет акция протеста
- ↑ Hrstička zneuznaných a frustrovaných, kritizuje demonstranty exprezident Klaus
- ↑ [1]