Пятроўскае (Тамбоўская вобласць)
Пятроўскае (руск.: Петро́вское) — сяло ў Тамбоўскай вобласці Расіі. Адміністрацыйны цэнтр Пятроўскага раёна і Пятроўскага сельсавета.
Сяло
Пятроўскае
|
Геаграфія правіць
Размешчана на захад ад Тамбова на рацэ Дзерзаўка. У сяле размешчана чыгуначная станцыя Ізбердзей Паўднёва-Усходняй чыгункі на лініі Мічурынск — Гразі.
Гісторыя правіць
У матэрыялах перапісу 1763 года Пятроўскае значыцца як новапаселеная слабада генерал-ад’ютанта графа А. Б. Бутурліна. У слабадзе было 4 двары, у якіх пражывала 11 чалавек. Паводле перапісу 1858 года, у Пятроўскім ужо было 355 жыхароў.
Лёс Пятроўскага крута змяніўся з пабудовы ў 1868 годзе чыгункі і збудаваннем каля Пятроўскага чыгуначнай станцыі. Чыгуначная станцыя, названая Мураўёўкай, спрыяла росту Пятроўскага.
У 1912 годзе, з адкрыццём у Пятроўскім драўлянай царквы[1], яно стала сялом.
У 1998 годзе ў склад сяла Пятроўскае ўключаны пасёлак Гарбачоўка і вёска Малая Дубаўка.