Самарскі тэатр драмы імя М. Горкага

Самарскі тэатр драмы імя М. Горкага
Самарскі тэатр драмы імя М. Горкага
Заснаваны	1851
Адрас	пл. Чапаева 1
Архітэктар	Mikhail Nikolayevich Chichagov[d]
Сайт	dramtheatre.ru
	Медыяфайлы на Вікісховішчы

Самарскі акадэмічны тэатр драмы імя М. Горкага (руск.: Самарский театр драмы имени М. Горького) — адзін з найстарэйшых драматычных тэатраў Расіі. Размешчаны ў горадзе Самары, заснаваны ў 1851 годзе. Гістарычны будынак тэатра, пабудаваны ў 1888 годзе, з’яўляецца аб’ектам культурнай спадчыны народаў Расіі федэральнага значэння і ахоўваецца дзяржавай.

Росквіт самарскага тэатра ў XIX стагоддзі звязаны з антрэпрызамі П. М. Мядзведзева (1860-80-я гг.), А. А. Расказава ў 1870-я гады, І. К. Немава, І. П. Новікава (1870-я , 1880-я гады). У Самары выступалі і т. зв. «змешаныя» трупы (драма, опера, аперэта). З 1907 года паказы ішлі ў тэатры-цырку «Алімп» (цяпер гэты будынак цалкам знесены, аднак на яго месцы пабудавана падобная па архітэктуры Самарская дзяржаўная філармонія).

У 1930 годзе ў Самары створана пастаянная трупа драматычнага тэатра, якая заняла будынак тэатра, пабудаваны ў 1888 годзе.

У пачатку 1930-х гадах у яе ўваходзілі акцёры Ю. У. Талубееў, В. В. Меркур’еў, А. Ф. Кістаў, В. П. Шарлахаў, В. С. Нельскі, узначальваў трупу М. К. Сіманаў.

У 1936 годзе ў пастанове «аб увекавечанні памяці Максіма Горкага» Куйбышаўскаму краявому драматычнаму тэатру прысвоена імя пісьменніка.

У 1955 годзе ў якасці рэжысёра быў запрошаны Пётр Львовіч Манастырскі, у 1959 годзе ён быў прызначаны галоўным рэжысёрам тэатра і працаваў на гэтай пасадзе да 1995 года (з перапынкам з 1965 па 1967 год — праца ў Варонежы).

У 1977 годзе Куйбышаўскі тэатр драмы атрымаў званне Акадэмічны (пад кіраўніцтвам Пятра Львовіча Манастырскага).

У 1995 годзе 80-гадовы П. Л. Манастырскі пайшоў у адстаўку. Губернатар Самарскай вобласці Канстанцін Цітоў з 13 кастрычніка прызначыў на пасаду мастацкага кіраўніка Вячаслава Гвоздкава.

У 1996 годзе актрыса Вера Яршова стала лаўрэатам нацыянальнай тэатральнай прэміі «Залатая маска» ў намінацыі «За гонар і годнасць». У 1998 годзе тэатр прыняў удзел у Авін’ёнскім фестывалі. У 2007 годзе на I Усерасійскім фестывалі «Волжскія тэатральныя сезоны» спектакль «Душачка» А. Чэхава (рэжысёр В. Гваздкоў) атрымаў прыз за лепшае музычнае афармленне.

2011 год — 160-годдзе тэатра адзначана спецыяльным нумарам часопіса «Тэатральнае жыццё», прысвечаным самарскаму тэатру драмы.