Сандра Нурмсалу

Сандра Нурмсалу (эст.: Sandra Nurmsalu, нар.6 снежня 1988, Алаверэ, Эстонія) — эстонская спявачка і скрыпачка, салістка гурта «Urban Symphony», які прадстаўляў Эстонію на конкурсе песні Еўрабачанне 2009. Сандра Нурмсалу выканала асноўную партыю песні Rändajad, якая заняла 6-е месца ў фінале Еўрабачання.

Сандра Нурмсалу
эст.: Sandra Nurmsalu
Род дзейнасці	спявачка, скрыпачка
Дата нараджэння	6 снежня 1988(1988-12-06) (35 гадоў)
Месца нараджэння	Alavere, Анія, Хар’юмаа, Эстонія
Грамадзянства	Эстонія
Член у	Urban Symphony[d]
Медыяфайлы на Вікісховішчы

Біяграфія

Скончыла Талінскае музычнае вучылішча імя Георга Отса па класе поп- і джаз-вакалу.

Да ўдзелу ў Еўрабачанні Сандра грала і спявала ў фолк-гуртах «Pillipiigad» (на працягу 7 гадоў) і «Virre» (на працягу 3 гадоў). У Эстоніі атрымала шырокую вядомасць пасля ўдзелу ў папулярным эстонскім конкурсе маладых выканаўцаў «Kaks takti ette» (Два такты наперад), дзе яна заняла 4-е месца.

Сандра ў 2009 таксама выступала ў рэаліці-шоў Эстонія шукае суперзорку (Eesti otsib superstaari) (аналогу англійскага Idol). Кожны ўдзельнік павінен быў абраць эстонскага выканаўцу, у дуэце з якім павінен быў праспяваць. Канкурсант От Лепланд, пазней пераможца конкурсу, абраў Сандру для выканання «Rändajad».

З’яўляецца адным з актыўных сяброў фонду абароны бяздомных жывёл.

Актыўным вяртаннем да пеўчай кар’еры стала выкананне сінгла «Sel Teel» сумесна з гуртом Sinine.

У кастрычніку 2012 года Сандра адправілася ў тур разам з многімі іншымі эстонскімі артыстамі, каб адсвяткаваць 100-годдзе эстонскага кіно і музыкі, выконваючы канцэрты на пляцоўках у Таліне, Пярну і Тарту.

У канцы 2012 года Сандра абвясціла аб сваім уласным канцэрце пад назвай «Rändajad», аднайменнага з яе першым сінглам сумесна з папулярным гуртом «Urban Symphony».