Свята-Троіцкі манастыр (Смаленск)

Свята-Троіцкі манастыр — жаночы праваслаўны манастыр у Смаленску.

Манастыр
Свята-Троіцкі манастыр у Смаленску
Троіцкі сабор манастыра
54°47′10″ пн. ш. 32°03′14″ у. д.
Краіна	Расія
Горад	Смаленск
Канфесія	Праваслаўе
Епархія	Смаленская
Тып	Жаночы
Статус	Дзеючы манастыр
Медыяфайлы на Вікісховішчы

У 1669 годзе быў пераасвячоны з уніяцкага манастыра базыльянаў. Да 1703 года ў манастыры жылі смаленскія архірэі. Першапачаткова пабудовы былі драўлянымі.

Каменны Троіцкі сабор узведзены паміж 1672—1675 гадамі па ініцыятыве смаленскага мітрапаліта Варсанофія Яропкіна на сродкі з казны. У тыя ж гады на поўнач ад сабора пабудаваны драўляны дом для настаяцеля (разбураны ў 1943 годзе, хоць пад асфальтам захоўваецца шырокі Г-падобны склеп). У 1697 годзе сабор пацярпеў ад урагану, а ў 1727 годзе перабудаваны пад кіраўніцтвам біскупа Гедэона: узведзены другі паверх, з поўначы да алтара прыбудавана рызніца. У 40-я гады XVIII стагоддзя з поўдня да сабора прыбудавана каменная пахавальня над пахаваннямі смаленскіх мітрапалітаў. У тыя ж гады пабудаваная і званіца.

У 60-х гг. XVIII стагоддзя пабудавана Ганназачаццеўская царква, якая з 1767 года стала бальнічнай. У канцы XVIII стагоддзя пабудавана агароджа. Размешчаны па адрасе: Вялікая Савецкая, д. 9

Троіцкі сабор

Бясслупавы, аднагаловы. Цэнтральны аб'ём храма — высокі чацверык з пяціграннай апсідай. З захаду да яго прымыкае трохі паніжаная трапезная з Г-падобнымі ганкамі, якія вядуць на другі паверх. Храм і ўсе яго прыбудовы двухпавярховыя.

Шырокі фрыз пераходзіць у паўкруглыя франтоны. Памяшканні перакрытыя стуленымі скляпеннямі.

Старадаўнія інтэр'еры страчаны.

Будынак рэстаўраваны ў 1979—1980 гадах.

Спасылкі

• Афіцыйны сайт Архівавана 25 чэрвеня 2013.
• Троіцкі манастыр на сайце www.sobory.ru