Вікіпедыя

Усеагульныя выбары ў Нігеры (2020—2021)

Усеагульныя выбары ў Нігеры былі праведзены 27 снежня 2020 года, абіраліся прэзідэнт і Нацыянальны сход. Паколькі ні адзін з кандыдатаў у прэзідэнты не атрымаў большасці галасоў, другі тур адбыўся 21 лютага 2021 года[1][2][3].

На выбарах перамог Махамед Базум з Партыяй за дэмакратыю і сацыялізм Нігера, атрымаўшы 69,67 % галасоў.

ПерадгісторыяПравіць

У 2021 годзе ў дзеючага прэзідэнта Махамаду Ісуфу заканчваўся другі прэзідэнцкі тэрмін і ён публічна заявіў аб сваім намеры сысці ў адстаўку, праклаўшы шлях да першай у гісторыі патэнцыйнай мірнай перадачы ўлады ў краіне пасля атрымання незалежнасці[4]. Была зарэгістравана рэкордная колькасць кандыдатаў у прэзідэнты — 41, але былі дапушчаныя толькі 30. Сярод 11 адхіленых кандыдатаў быў Хама Амаду, кандыдат ад асноўнай апазіцыйнай партыі, заяўка якога была адхіленая Канстытуцыйным судом з-за папярэдняга гадавога турэмнага зняволення па справе аб гандлі дзецьмі. Хама Амаду, які заняў другое месца на выбарах 2016 года і трэцяе месца на выбарах 2011 года, адхіліў усе абвінавачванні і заявіў, што яны былі палітычна матываванымі[5][6].

Выбарчая сістэмаПравіць

Прэзідэнт абіраецца па двухтуравой сістэме[7]. Так як ні адзін з кандыдатаў не атрымаў большасці галасоў у першым туры, то другі тур быў прызначаны на 21 лютага 2021 года[2].

171 член Нацыянальнага сходу абіраецца двума спосабамі: 158 членаў абіраюцца з васьмі шматмандатных акругаў у сямі рэгіёнах і Ніямеі, шляхам прапарцыйнага прадстаўніцтва па партыйных спісах. Яшчэ восем месцаў зарэзерваваны для груп меншасцяў і пяць месцаў (па адным для кожнага пастаянна населенага кантынента) для нігерыйца, якія пражываюць за мяжой, усе яны абіраюцца па аднамандатных акругах шляхам галасавання па прынцыпе сістэмы адноснай большасці»[8].

Нацыянальны сходПравіць

Усяго ў палаце 171 месца, для большасці неабходна 86 месцаў[9]. Нацыянальны сход абіраецца кожныя 5 гадоў[10]. Пераможцам выбараў у заканадаўчыя органы 2020 года стала Партыя за дэмакратыю і сацыялізм Нігера, якая атрымала 80 месцаў[11][12].

ЗноскіПравіць

  1. ↑ Independent National Electoral Commission - Presidential Election 2020 (Round 1) Results (фр.)(недаступная спасылка) (1 снежня 2020). Архівавана з першакрыніцы 26 студзеня 2021. Праверана 23 лютага 2021.
  2. ↑ а б Niger: 2020—2021 electoral calendar unveiled Anadolu, 17 August 2019
  3. ↑ Niger presidential election heads to February runoff. Al Jazeera (2 студзеня 2020).
  4. ↑ Welle (www.dw.com), Deutsche. Niger: Election just the start of challenges for new president (англ.). Deutsche Welle.
  5. ↑ Présidentielle au Niger : la candidature du principal opposant, Hama Amadou, rejetée(фр.), Le Monde (13 лістапада 2020).
  6. ↑ Présidentielle au Niger: 41 candidats ont déposé leur dossier au ministère de l'Intérieur (фр.). RFI (8 лістапада 2020).
  7. ↑ Republic of Niger: Election for President IFES
  8. ↑ Electoral system IPU
  9. ↑ Niger's presidential election set for February runoff (2 студзеня 2021).
  10. ↑ Niger's Constitution of 2010 with Amendments through 2017. constituteproject.org (31 мая 2017).
  11. ↑ Independent National Electoral Commission - Presidential Election 2020 (Round 1) Results (фр.)(недаступная спасылка) (1 снежня 2020). Архівавана з першакрыніцы 26 студзеня 2021. Праверана 23 лютага 2021.
  12. ↑ Independent National Electoral Commission - Legislative Elections 2020 Results (фр.)(недаступная спасылка) (1 снежня 2020). Архівавана з першакрыніцы 9 студзеня 2021. Праверана 23 лютага 2021.
Узята з "https://be.wikipedia.org/w/index.php?title=Усеагульныя_выбары_ў_Нігеры_(2020—2021)&oldid=4263905"