У Чжэнь
У Чжэнь (1280 — 1354) — вядомы кітайскі мастак часоў дынастыі Юань.
| У Чжэнь | |
|---|---|
| кіт.: 吴镇 | |
| Дата нараджэння | 1280[1][2][…] |
| Месца нараджэння | |
| Дата смерці | 1354[1][2][…] |
| Месца пахавання | |
| Грамадзянства | |
| Род дзейнасці | мастак, астролаг, паэт |
 Медыяфайлы на Вікісховішчы | |
Біяграфія правіць
Паходзіў з нашчадкавай чыноўніцкай сям’і У. Нарадзіўся ў мястэчку Вейтан блізу г. Цзясіна ў сучаснай правінцыі Чжэцзян. Атрымаў добрую адукацыю, у прыватнасці вучыўся ў вядомага тагачаснага філосафа Лю Тяньцзы. Зрэшты адмовіўся ад афіцыйнай кар’еры, што тлумачылася яго непрыманнем мангольскага рэжыму. Пасяліўшыся ў г. Улін, што размяшчаўся на месцы сталіцы дынастыі Паўднёвая Сун, захопленай і спустошанай мангольскай арміяй. Пасля вяртаецца ў родны горад, дзе жыў адасоблена, займаючыся чытаннем кніг і жывапісам. Памёр у 1354 годзе.
Творчасць правіць
Спадчыну У Чжэня складаюць каля 15 работ. Працаваў у жанрах шань-шуй (山水, «Жывапіс і малюнак гор і вод») і «жывапісу бамбука» (мо-чжу 墨竹).
Як пейзажыст У Чжэнь лічыцца паслядоўнікам знакамітых майстроў Х стагоддзя Цзюй-жаня і Дун Юаня, уплыў якіх прасочваецца ў шэрагу яго прац, у прыватнасці ў скрутках «Вясновы світанак над празрыстай ракой» і «Змёрзлыя гусі сярод трыснягу».
Мастак выкарыстаў альтэрнатыўныя схемы пабудовы сцэн і асаблівыя жывапісныя прыёмы, спалучэнні якіх дазвалялі перадаць розны настрой, як гэта можна зразумець на прыкладзе параўнання трох яго гарызантальных скруткаў у манахромнай тэхніцы на паперы, вядомых пад агульнай назвай «Рыбалка» або іншая назва «Лоўля рыбы».
Да ліку найбольш вядомых твораў У Чжэня, выкананых у жанры «Жывапіс бамбука», адносіцца скрутак «Бамбук і нахільны камень» і і альбомны ліст «Бамбук», якія пацвярджаюць справядлівасць характарыстыкі гэтага майстра як яркага спадчынніка Вэнь Туна, заснавальніка «класічнага» варыянту дадзенага кірунку. Пры гэтым у жывапісе У Чжэня канчаткова зацвердзілася адна са стандартных у далейшым кампазіцый мо-чжу — спалучэнне бамбука і камянёў.
Зноскі
Літаратура правіць
- Cahill J. Hills Beyond a River, Chinese Paintings of the Yuan Dynasty 1279—1368. N.Y., 1974