Фінал НБА 2018

Фінал НБА 2018 — чэмпіёнская серыя Нацыянальнай Баскетбольнай Асацыяцыі сезона 2017/2018 і заключная серыя плэй-офа. Праходзіў з 31 мая да 8 чэрвеня 2018 года.

Чэмпіёны Заходняй канферэнцыі Голдэн Стэйт Уорыярз і чэмпіёны Усходняй канферэнцыі Кліўленд Кавальерс выйшлі ў фінал НБА ў чацвёрты раз запар, што стала першым выпадкам у гісторыі галоўных прафесійных ліг Паўночнай Амерыкі.

Голдэн Стэйт перамаглі Кліўленд з лікам у серыі 4:0. Такім чынам, упершыню з 2007 года каманда выйграла фінальную серыю з лікам 4:0. Самым каштоўным гульцом фінала ў другі раз запар стаў Кевін Дзюрэнт з Голдэн Стэйт Уорыярз.