Хантынгданшыр

Хантынгданшыр (англ.: Huntingdonshire) — неметрапалітэнскі раён у графстве Кембрыджшыр (Англія). Адміністрацыйны цэнтр — горад Хантынгдан. Былое графства ў складзе Англіі. Раён размешчаны ў заходняй частцы графства Кембрыджшыр, мяжуе з графствамі Бедфардшыр і Нартгемптаншыр.

Хантынгданшыр
Краіна	Вялікабрытанія
Уваходзіць у	Кембрыджшыр
Адміністрацыйны цэнтр	Хантынгдан
Дата ўтварэння	1 красавіка 1974
Насельніцтва	▲184 052 чал. (2022)
Плошча	906,1788 км² (2016)
Афіцыйны сайт
Медыяфайлы на Вікісховішчы

Графства Хантынгданшыр было створана ў 1889 годзе і скасавана ў сувязі з рэформай адміністрацыйнага падзелу ў 1965 годзе, калі яно ўвайшло ў склад графстваў Хантынгдан і Пітэрбара. У 1974 годзе Хантынгданшыр увайшоў у склад новага графства Кембрыджшыр як раён Хантынгдан, які ў 1984 годзе быў перайменаваны ў Хантынгданшыр.