Ранатра палачкападобная

Ранатра палачкападобная (Ranatra linearis) — від водных клаповых сямейства Вадзяныя скарпіёны (Nepidae). Самы буйны від клапоў у Еўропе.

Ранатра палачкападобная
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Атрад:  Паўцвердакрылыя Падатрад:  Блашчыцы Інфраатрад:  Nepomorpha Надсямейства:  Nepoidea Сямейства:  Вадзяныя скарпіёны Падсямейства:  Ranatrinae Трыба:  Ranatrini Род:  Ranatra Від:  Ранатра палачкападобная
Міжнародная навуковая назва
Ranatra linearis (Linnaeus, 1758)
Сістэматыка на Віківідах Выявы на Вікісховішчы ITIS   103758 NCBI   280158 EOL   611636

Апісанне

Адрозніваецца вельмі выцягнутым у даўжыню вузкім целам, якое заканчваецца доўгай дыхальнай трубачкай, непатоўшчанымі пярэднімі сцёгнамі, вельмі кароткімі галёнкамі і адсутнасцю кіпцікаў на пярэдніх драпежных нагах. Цела даўжынёй ад 30 да 35 мм (без дыхальнай трубачкі даўжынёй 20 мм), брудна-шэрага колеру, верх брушка чырвоны, заднія крылы малочна-белыя. Дзякуючы развітым крылам добра лётаюць.

Арэал

Від распаўсюджаны па ўсёй Еўропе і Паўночнай Афрыцы, у Азіі на ўсход да Сібіры, Блізкага Усходу і Кітая. Жыве ў стаячых водах. Рухаецца вельмі павольна, сілкуецца дробнымі насякомымі. Самка праколвае лісце водных раслін і адкладае ва ўтвораную дзірачку яйцы, забяспечаныя на адным канцы двума ніткападобнымі атожылкамі. Імага зімуе ў вадзе, радзей на сушы. Натуральным ворагам віду з’яўляецца від Prestwichia aquatica, чые лічынкі паразітуюць на яйцах ранатры.

Літаратура

• Вадзяныя скарпіёны // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.. — С. 397
• Ekkehard Wachmann, Albert Melber, Jürgen Deckert: Wanzen Band 1: Dipsocoromorpha, Nepomorpha, Gerromorpha, Leptopodomorpha, Cimicomorpha (Teil 1) mit Tingidae, Anthocoridae, Cimicidae und Reduviidae. — Goecke & Evers, Keltern 2006, ISBN 3-931374-49-1
• Ранатра // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.