Інтэр’ер

Інтэр’е́р (фр.: intérieur, лац.: interior — унутраны выгляд, антонім фр.: extérieur, лац.: exterior — вонкавы выгляд) — архітэктурна і мастацка аформленая ўнутраная прастора будынка, якая забяспечвае чалавеку эстэтычнае ўспрыманне і спрыяльныя ўмовы жыццядзейнасці; унутраная прастора будынка ці асобнага памяшкання, архітэктурнае рашэнне якога вызначаецца яго функцыянальным прызначэннем.

Інтэр’ер кухні

У аснове дызайну інтэр’еру ляжыць сінтэз прагматычных і мастацкіх ідэй і рашэнняў, накіраваных на паляпшэнне ўмоў існавання чалавека ў цэласнай эстэтычна дасканалай форме. Інтэр’ер складаецца з трох складнікаў:

• будаўнічая абалонка — пол, сцены, столь;
• прадметнае напаўненне (абсталяванне, мэбля);
• функцыянальныя працэсы, якія фармуюць і прастору, і пачуццёва-псіхалагічную атмасферу.

Гл. таксама

• Антрапалагічны дызайн
• Архітэктура
• Архітэктурная візуалізацыя
• Дызайн інтэр'еру
• Ландшафтны дызайн

Спасылкі

• На Вікісховішчы ёсць медыяфайлы па тэме Інтэр’ер