Аблога Старадуба (1535)

Аблога Старадуба (30 ліпеня — 29 жніўня 1535) — эпізод г.зв. Старадубскай вайны (1534—1537).

Гетман Ян Тарноўскі падчас аблогі Старадуба 1535, дрэварыт з Хронікі ўсяго свету Марціна Бельскага

Аблогай кіраваў Ян Тарноўскі. Старадубскі гарнізон пад камандаваннем кн. Фёдара Аўчыны-Абаленскага адбіў некалькі атак, перад тым як польска-літоўскія войскі з дапамогай падведзенай міны ўзарвалі частку сцяны. Гарнізон адбіў яшчэ 2 атакі, але горад быў узяты, жыхары забітыя або выведзеныя ў палон. У палон трапіў і Ф. Аўчына-Абаленскі. Паводле меркавання М. М. Крома, жорсткасць Я. Тарноўскага вылучалася з тагачаснай практыкі, пазней на яе наракаў у сваім лісце Іван IV.

Глядзіце таксама

• Старадубская вайна

Літаратура

• Кром М. М. Стародубская война 1534—1537. История русско-литовских отношений. — М.: Рубежи XXI, 2008. ISBN 978-5-347-00004-3