'''Часовае беларускае бюро ЦК РКП(б)''' — часовы кіруючы орган Кампартыі Беларусі. Створана паводле рашэння Прэзідыума ЦК РКП(б) ад [[4 лютага]] [[1924]] г. для правядзення арганізацыйных і палітычных мерапрыемстваў, звязаных з вяртаннем у склад [[БССР]] усходне-беларускіх тэрыторый. Выконвала функцыі [[Цэнтральнае бюро ЦК КП(б)Б|Цэнтральнага Бюро КП(б)Б]]. Дзейнічала да [[12 мая]] [[1924]] г. Яго паўнамоцтвы распаўсюджваліся на тэрыторыі пашыранай [[БССР]], і галоўнай задачай было прадухіленне канфліктаў, якія ўзнікалі ў ходзе [[Узбуйненне БССР|ўзбуйнення БССР]] паміж кіраўніцтвам рэспублікі і партыйнымі арганізацыямі губерняў. У склад Часовага беларускага бюро ўвайшлі прадстаўнік ЦК РКП(б) і сакратар Часовага беларускага бюро [[Аляксандр Мікалаевіч Асаткін-Уладзімірскі|А. М. Асаткін-Уладзімірскі]], 5 прадстаўнікоў ад ЦБ КП(б)Б ([[Язэп Аляксандравіч Адамовіч|Я. А. Адамовіч]], [[Вацлаў Антонавіч Багуцкі|В. А. Багуцкі]], [[Вульф Абрамавіч Нодэль|В. А. Нодэль]], [[Аляксандр Аляксандравіч Ходаш|Ш. Ш. Ходаш]], [[Аляксандр Рыгоравіч Чарвякоў|А. Р. Чарвякоў]]), 4 — ад [[Віцебская губерня|Віцебскай губерні]] ([[В. У. Дзякаў]], [[Э. М. Мендэ]], [[Дзмітрый Філімонавіч Прышчэпаў|ДзД. Ф. Прышчэпаў]], [[В. П. Трунтаеў]]), 2 — ад [[Гомельская губерня|Гомельскай губерні]] ([[Ф. А. Браўковіч]], [[А. Б. Рыскін]]), 1 — ад [[Смаленская губерня|Смаленскай губерні]] ([[Г. Л. Брандбург]], з [[4 мая]] [[1924]] г.) [[Мікалай Мацвеевіч Галадзед|М. М. Галадзед]]). Для аператыўнага кіраўніцтва справамі быў створаны і дзейнічаў Прэзідыум Часовага беларускага бюро ЦК РКП(б). Структурна Часовае беларускае бюро ўключала аддзелы: арганізацыйна-інструктарскі, агітацыйна-прапагандысцкі, Польскае Бюро, Галоўнае Бюро яўрэйскіх секцый, аддзел работніц і сялянак.
== КрыніцаЛітаратура ==
* Отчет Временного Белорусского Бюро ЦК РКП(б): (за время февраль — май 1924 г.). — Мн., 1924.