[[Выява:Raumthermometer_Fahrenheit%2BCelsius.jpg|thumb|250px|Пакаёвы [[тэрмометр]] з градусамі па Цэльсіі і Фарэнгейту]]
'''Градус Фарэнгейта''' — [[Адзінкі вымярэння тэмпературы|адзінка вымярэння тэмпературы]] з лінейнай шкалой. Доўгі час шкала Фарэнгейта была асноўнай у [[англійская мова|англамоўных]] краінах, але ў канцы 60-х — пачатку 70-х гадоў XX стагоддзя яна была практычна выцесненая [[Градус Цэльсія|шкалой Цэльсія]]. Толькі на [[Ямайка|Ямайцы]], у [[ЗША]] і [[Канада|Канадзе]] шкала Фарэнгейта дагэтуль шырока выкарыстоўваецца ў бытавых мэтах. Шкала названая ў гонар нямецкага вучонага [[Габрыель Фарэнгейт|Габрыеля Фарэнгейта]], які прапанаваў яе ў [[1724]] годзе.
На шкале Фарэнгейта кропка раставання лёду роўная +32 °F, а кропка кіпення вады +212 °F (пры [[нармальны атмасферны ціск|нармальным атмасферным ціску]]). Пры гэтым адзін градус Фарэнгейта роўны 1/180 рознасці гэтых тэмператур. Дыяпазон 0°…+100° па шкале Фарэнгейта прыкладна адпавядае дыяпазону −18°…+38° па шкале Цэльсія.
== Гісторыя ==
Існуе некалькі версій паходжання шкалы. Па адной з іх, Фарэнгейт першапачаткова прыняў за 0 °F тэмпературу плаўлення (замярзання) сумесі лёду і паваранай солі ў роўных колькасцях, а за 100 °F — нармальную тэмпературу чалавечага цела (аднак Фарэнгейт памыліўся ў апошнім вымярэнні: нармальная тэмпература чалавечага цела складае 97,9 °F). Існуе версія, паводле якой за 100 градусаў тэмпературнай шкалы Фарэнгейт прыняў тэмпературу цела сваёй жонкі, якая ў момант вымярэння была нездаровая — менавіта гэтым і абумоўленае зрушэнне стоградуснай кропкі на 2,1 °F, а не хібнасцю самога вымярэння. Сам Фарэнгейт лічыў, што тэмпература (па яго шкале) ніколі не бывае адмоўнай, мабыць ён ні разу не быў у халодных краінах.
