'''Вібрыёны''' (''Vibrio'') — род [[бактэрыі|бактэрый]] сямейства ''Vibrionaceae''; больш за 40 відаў. Прамыя або выгнутыя палачкі (0,4-0,7 х 1,5-2,3 мкм). Рухомыя. Рухомасць забяспечваюць адзін ці некалькі жгуткоў, размешчаныя палярна (мона-і лафатрыхі). [[Споры]] і капсулы не ўтвараюць, аднак большасць відаў пакрыта звонку абалонкай, утворанай вырастам вонкавага пласта клеткавай сценкі. Паводле метаду Грама прадстаўнікі роду афарбоўваюцца адмоўна, большасць відаў аксідаза-станоўча. Сярод прадстаўнікоў роду найбольш распаўсюджаныя факультатыўныя анаэробы. У медыцынскай літаратуры апісана, што ўзнікненню і распаўсюджванню вібрыёнаў на водных аб'ектах спрыяе ўтрыманне [[азот]]у больш за 1 мг на 1 л вады, а закісленне вады наадварот вядзе да згубы мікраарганізмаў. Некаторыя прадстаўнікі роду, такія як ''Vibrio cholerae'' - — галафільныя, гэта значыць могуць развівацца ў вадкіх пажыўных асяроддзях, якія змяшчаюць да 25 % NaCI.
