Фёдар Ісідаравіч Кузняцоў: Розніца паміж версіямі

'''Фёдар Ісідаравіч Кузняцоў''' (17(29).9.[[1898]], вёска [[Вёска Балбечына|Балбечына]], Горацкі павет [[Магілёўская губерня|Магілёўскай губерні]], сучасны [[Горацкі раён]] — 22.3.[[1961]]) — савецкі ваенны дзеяч, [[генерал-палкоўнік]] (1941). Дацэнт (1938).

Скончыў Ваенную акадэмію імя Фрунзэ (1926). У арміі са снежня 1915. У [[Рабоча-Сялянская Чырвоная Армія|Чырвонай Арміі]] з чэрвеня 1918. У грамадзянскую вайну камандзір палка на Заходнім фронце. З 1938 намеснік камандуючага войскамі [[Беларуская ваенная акруга|БВА]], начальнік Ваеннай акадэміі Генштаба, камандуючы [[Паўночна-Каўказская ваенная акруга|Паўночна-Каўказскім]] і [[Прыбалтыйская ваенная акруга|Прыбалтыйскім]] ваеннымі акругамі. Удзельнік [[Савецка-фінляндская вайна, 1939-1940|савецка-фінляндскай вайны 1939—1940]]. У [[Вялікая Айчынная вайна 1941-1945|Вялікую Айчынную вайну]] камандуючы войскамі Паўночна-Заходняга і Цэнтральнага франтоў, намеснік камандуючага войскамі Заходняга, Волхаўскага, Карэльскага франтоў. Удзельнік абарончых баёў у Прыбалтыцы, Крыме, пад Смаленскам, Маскоўскай бітвы 1941, разгрому нямецка-фашысцкіх войск пад Ленінградам і Ноўгарадам. У 1945—1948 камандуючы войскамі [[Уральская ваенная акруга|Уральскай ваеннай акругі]].