'''Арэнал''', [[Wp/be/Вулкан|вулкан]] у [[Wp/be/Коста Рыка|Коста Рыцы]], з'яўляецца адным з самых актыўных вулканаў [[Wp/be/Зямля|планеты]]. [[Wp/be/Лава|Лава]] вулкана рэгулярна сцякае па склонах у даліну, і Арэнал час ад часу выкідвае ў неба распаленыя каменныя глыбы [[Wp/be/Дыяметр|дыяметр]]ам да 7,5 метраў на вышыню 300 метраў.
[[Wp/be/29 ліпеня|29 ліпеня]] [[Wp/be/1968|1968]] года адбылося апошняе вялікае вывяржэнне Арэнала, якое разбурыла гарады [[Wp/be/Пуэбла Нуэба|Пуэбла Нуэба]] і [[Wp/be/Табакон|Табакон]]. Рэшты знішчэння, выкліканага вулканам, бачны і да сённяшняга дня. Пры гэтым вывяржэнні загінула 87 чалавек.
Да першага пакарэння ў [[Wp/be/1937|1937]] годзе ніхто нават і не здагадваўся пра вулканічнае паходжанне гары вышынёй у 1633 метра, апроч таго, тады вулкан быў амаль цалкам пакрыты расліннасцю. Лічыцца, што Арэнал праяўляў сваю актыўнасць і раней, але не выказваў актыўнай вулканічнай дзейнасці на працягу апошніх 400 год. Кожны год вышыня вулкана павялічваецца на некалькі метраў у выніку выхаду лавы на паверх кратэра.
Назіраць за лавай вулкана найлепш ноччу з назіральных плашчадак і дыстанцыі каля двух кіламетраў. Туры з гідам можна заказаць у [[Wp/be/Ля Фартуна|Ля Фартуне]].
