Свята-Мікалаеўская царква (Новы Пагост): Розніца паміж версіямі

'''Свята-Мікалаеўская царква''' - праваслаўны [[храм]] у в. [[Новы Пагост]] [[Мёрскага раёна]] [[Віцебскай вобласці]].

== Гісторыя ==

У цэнтры вёскі. Пабудавана ў 1878 г. з бутавага каменю і цэглы.

== Архітэктура ==

Помнік сінадальнага накірунку рэтраспектыўна-рускага стылю. Мае кананічную аб'ёмна-прасторавую кампазіцыю: 3-ярусная шатровая званіца, нізкая трапезная, кубападобны аб'ём малітоўнай залы, паўкруглая апсіда. Шатровы дах асноўнага аб'ёму завершаны цыбулепадобным купалам на 8-гранным барабане, шацёр званіцы — макаўкай. У дэкоры фасадаў выкарыстаны формы старажытнарускага царкоўнага дойлідства: кілепадобныя і руставаныя ліштвы арачных аконных і дзвярнога праёмаў, аркатурныя фрызы, вуглавыя лапаткі — атынкаваныя яны кантрастна вылучаюцца на паліхромным фоне бутавай муроўкі.

== Інтэр'ер ==

У скляпеністым памяшканні малітоўнай залы драўляная скульптура «Укрыжаванне» 17 — 18 ст., абразы 19 ст. «Маці Божая Адзігітрыя», «Забойства Іаана», «Архангел Гаўрыіл», «Архангел Міхаіл», іканастас.

== Літаратура ==

* Праваслаўныя храмы Беларусі : энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

== Спасылкі ==

* http://hram.by/churches/view/60/