Першая Усебеларуская канферэнцыя: Розніца паміж версіямі

'''Першая Усебеларуская канферэнцыя''', Першая Усебеларуская палітычная канферэнцыя, Нацыянальна-палітычная нарада  — сход прадстаўнікоў беларускіх арганізацый і партый [[Заходняя Беларусь|Заходняй Беларусі]], [[Германія|Германіі]], [[Латвія|Латвіі]], [[Літва|Літвы]], [[Польшча|Польшчы]] і [[Чэхаславакія|Чэхаславакіі]]. Адбылася 25—28 верасня (паводле іншых крыніц 26—29 верасня) [[1921]] года ў [[Прага|Празе]].

У яе рабоце ўдзельнічалі 37 чалавек. [[БПС-Р|Беларускую партыю сацыялістаў-рэвалюцыянераў]] прадстаўлялі [[Сяргей Баран|С. Баран]], [[К. Душэўскі]] (Дуж-Душэўскі), [[Л. Заяц]], [[А. Карабач]], [[В. Ластоўскі]], [[Я. Мамонька]], [[М. Шыла]]; [[БПС-Ф|Беларускую партыю сацыялістаў-федэралістаў]]  — [[В. Захарка]], [[К. Езавітаў]], [[П. Крачэўскі]], [[А. Цвікевіч]]; [[БСДП|Беларускую сацыял-дэмакратычную партыю]]  — [[Б. Тарашкевіч]].

Канферэнцыя прыняла рэзалюцыю аб [[Слуцкае паўстанне|Слуцкім паўстанні 1920]], у якой перасцерагала беларускі народ ад непажаданага праліцця крыві. У рэзалюцыі аб дзейнасці [[Барыс Савінкаў|Б. Савінкава]] адзначалася, што ён «Беларускім Нацыянальным Штандарам прыкрывае авантуры польскай і расійскай рэакцыі», «не мае ніякай сувязі з беларускімі палітычнымі і нацыянальнымі арганізацыямі і з'яўляецца правакатарам беларускай дзяржаўнасці і ворагам беларускага народа». У рэзалюцыі аб дзейнасці [[С. Булак-Балаховіч]]а сцвярджалася, што ён не мае ніякай падтрымкі з боку беларускіх нацыянальных палітычных арганізацый і з'яўляецца «узурпатарам і авантурнікам». Асобная рэзалюцыя датычылася [[Рыжскі мір|Рыжскага мірнага дагавора 1921]]. У ёй канферэнцыя пацвярджала вернасць [[Трэцяя Устаўная грамата|Трэцяй Устаўнай грамаце]] Рады БНР. У рэзалюцыі аб дзяржаўным будаўніцтве Беларусі канферэнцыя абвяшчала, што Беларусь  — край працоўнага сялянства, рабочых і працоўнай інтэлігенцыі, а таму павінна быць «дзяржавай працоўнага народа»; пацвярджаўся прынцып незалежнасці і непадзельнасці Беларусі. Канферэнцыя заявіла, што адзіным заканадаўчым органам Беларусі з'яўляецца [[Рада БНР|Рада Беларускай Народнай Рэспублікі]].

* ''[[Анатоль Сідарэвіч|Сідарэвіч А.]]'' Першая Усебеларуская канферэнцыя // {{крыніцы/БЭ ў 18 т. Т. |12. Мн., 2001.}