'''Другі́ Усебелару́скі з'ездз’езд Саве́таў рабо́чых, сяля́нскіх, батра́цкіх і чырво́наарме́йскіх дэпута́таў'''. Адбыўся 13 — 17 снежня [[1920]] г. у [[Мінск]]у. Прысутнічалі 202 дэлегаты з рашаючым і 16 з дарадчым голасам.
Парадак дня: справаздача [[Ваенна-рэвалюцыйны камітэт|ВРК БССР]] ([[Аляксандр Рыгоравіч Чарвякоў|А. Р. Чарвякоў]]); бягучы момант і Савецкая Беларусь ([[Вільгельм Георгіевіч Кнорын|В. Г. Кнорын]]); аб сацыялістычным землеўпарадкаванні (А. С. Хаценка); аб харчовай палітыцы ў Беларусі (А. І. Адамайціс); аднаўленне прамысловасці ([[Арон Ісакавіч Вайнштэйн|А. І. Вайнштэйн]]); народная асвета ([[Марыя Якаўлеўна Фрумкіна|М. Я. Фрумкіна]]); сацыяльнае забеспячэнне ([[Саламон Захаравіч Кацэнбоген|С. З. Кацэнбоген]]); арганізацыя савецкай улады на Беларусі ([[Станіслаў Адамавіч Мертэнс|С. А. Мертэнс]]); аб правядзенні працоўнай павіннасці; аб рабоце кааператыўных арганізацый; выбары ЦВК БССР і дэлегатаў на Усерасійскі з'ездз’езд Саветаў; бягучыя справы.
З'ездЗ’езд адобрыў работу ВРК БССР, прыняў дадаткі да [[Канстытуцыя Сацыялістычнай Савецкай Рэспублікі Беларусь|Канстытуцыі БССР]], у якіх абвясціў вышэйшым органам улады рэспублікі з'ездз’езд Саветаў, а паміж з'ездаміз’ездамі — [[Цэнтральны выканаўчы камітэт БССР|ЦВК БССР]], выканаўчым органам — [[Савет народных камісараў БССР|СНК БССР]] у складзе 15 наркаматаў. Устанавіў дзяржаўную манаполію на асноўныя віды прадукцыі, цвёрдыя цэны, Дзяржаўную нарыхтоўку і забеспячэнне насельніцтва прадметамі першай неабходнасці; падкрэсліў неабходнасць барацьбы са спекуляцыяй і ажыццяўлення поўнай нацыяналізацыі гандлю. Вызначыў задачы СНГ БССР у аднаўленні прамысловасці і транспарту[[транспарт]]у. Зацвердзіў «Тэзісы па аграрным пытанні», у якіх прадугледжваў новыя, сацыялістыстычныясацыялістычныя формы землекарыстання, надзяленне беззямельных і малазямельных сялян землямі былых памешчыцкіх гаспадарак, стварэнне саўгасаў[[саўгас]]аў. Ратыфікаваў [[Рыжскі дагавор (1920)|Рыжскі прэлімінарны дагавор]] ад [[12 кастрычніка]] [[1920]] г. і пацвердзіў мандат ВРК БССР ураду [[РСФСР]] на права заключэння ад імя [[БССР]] міру. Прыняў зварот «Да працоўнага народа Беларусі». Выбраў ЦВК з 60 чалавек і 12 кандыдатаў, дэлегатаў на VІІІ Усерасійскі з'ездз’езд Саветаў.
== Крыніцы ==
Другі Усебеларускі з'ездз’езд Саветаў рабочых, сялянскіх, батрацкіх і чырвонаармейскіх дэпутатаў // Энцыклапедыя гісторыі Беларусі: У 6 т. — Т. 3. — Мн.: БелЭн, 1996. — С. 287—286.
