Імператару, [[Цэзар, (тытул)|Цэзару]], сыну боскага [[Нерва|Нервы]], Нерве Траяну, найлепшаму [[Аўгуст, (тытул)|Аўгусту]] Германскаму, Дакійскаму<ref>Маюцца на ўвазе перамогі Траяна над германцамі і дакамі.</ref>, [[Вялікі пантыфік|вялікаму пантыфіку]], у 18-ы раз трыбуну, у 7-ы раз імператару, у 6-ы раз консулу, [[Айцец айчыны|айцу айчыны]], наймагутнаму [[Прынцэпс|прынцэпсу]] — сенат і народ Рыма.
На невялікім [[Фрыз, (архітэктура)|фрызе]] аркі (адзіны цалкам захаваны рымскі «трыўмфальны» фрыз) адлюстраваны трыумф Траяна пасля вайны з [[Дакі|дакамі]], якая скончылася ў 106 г. поўнай перамогай рымлян<ref>Сам трыумф прайшоў у 107 годзе і быў неверагодна пышным: ён доўжыўся 123 дні.</ref>. Каб правільна «прачытаць» яго, неабходна пачаць агляд з паўночна-ўсходняга боку аркі і рухацца вакол яе па гадзіннікавай стрэлцы.
