'''Расізм''' - — сукупнасць канцэпцый, аснову якіх складаюць палажэнні аб [[Фізіялогія|фізічнай]] і [[Псіхалогія|псіхічнай]] нераўнацэннасці чалавечых [[раса|рас]], аб вырашальным уплыве расавых адрозненняў на гісторыю і культуру грамадства і аб спрадвечным падзеле людзей на «вышэйшыя» і «ніжэйшыя» расы. Пры гэтым першыя прызнаюцца адзінымі стваральнікамі [[цывілізацыя|цывілізацыі]], закліканымі да панавання, другія - — не здольнымі да стварэння і нават засваення высокай культуры і асуджанымі на эксплуатацыю. Выставіўшы ў сярэдзіне [[19 стагоддзе|ХІХ ст.]] першую расісцкую канцэпцыю, француз [[Жазеф Арцюр дэ Габіно|Ж. А. Габіно]] абвясціў [[арыйцы|арыйцаў]] «вышэйшай расай». У далейшым расізм, пераплецены з сацыяльным [[дарвінізм]]ам, [[мальтузіянства]]м, [[еўгеніка]]й (Д.Хайкрафт і Б.Кід у Вялікабрытаніі; Ж.Лапуж у Францыі; О.Вольтман, Х.Чэмберлен і О.Аман у Германіі), выкарыстоўваўся для апраўдання расавай [[дыскрымінацыя|дыскрымінацыі]], [[сегрэгацыя|сегрэгацыі]] і [[апартэід]]у, стаў афіцыйнай [[ідэалогія]]й [[фашызм]]у. Расізм асуджаны міжнародным супольніцтвам.
Вядомым змагаром з расізмам быў [[Марцін Лютэр Кінг]].
== Крыніца ==
Чалавек і грамадства: Энцыклапедычны даведнік. Мінск: Беларуская Энцыклапедыя, 1998. ISBN 985-11-0108-7
