{{вызнч|1=ВЕДЗЬМА}}, {{вызн2|1=Вядзьмянка}} — рака ў [[Нясвіжскі раён|Нясвіжскім]] і [[Ляхавіцкі раён|Ляхавіцкім]] раёнах [[Беларусь|Беларусі]], левы прыток [[Шчара|Шчары]] (басейн [[Нёман]]а). Даўжыня 35 км. Вадазбор 267 км². Сярэднегадавы расход вады ў вусці 1,6 м³/с. Сярэдні нахіл воднай паверхні 0,8 [[праміля|‰]]. Пачынаецца каля в. Слабада Нясвіжскага раёна, упадае ў Шчару на паўночны ўсход ад в. Задвор′е. '''Асноўныя прытокі''': [[Рака Шавялёўка|Шавялёўка]], [[Рака Ардзянка|Ардзянка]]. У пойме меліярацыйныя каналы, каля в. Кавалі сажалка (пл. 0,15 км²). Даліна невыразная. Пойма двухбаковая, у сярэднім цячэнні забалочаная, яе шырыня 300—700 м. На працягу 18,9 км рэчышча каналізаванае: ад вытоку да в. [[Сваятычы]] (9,5 км) і ад вусця Шавялёўкі да [[горад Ляхавічы|г. Ляхавічы]] (9,4 км). Шырыня рэчышча ў межань 2—10 м.