'''Бабінавіцкая кераміка''' — [[ганчарная вытворчасць|ганчарныя вырабы]] з [[вёска|вёскі]] [[Бабінавічы]] [[ЛёзненскиЛёзненскі раён|Лёзненскага раёна]] [[Віцебская вобласць|Віцебскай вобласці]]. Промысел узнік у старажытнасці, найбольшага развіцця дасягнуў у [[19 стагоддзе|XIX]] – 1-й палове [[20 стагоддзе|XX ст.]] Выраблялі чырвонагліняную непаліваную, чорназадымленую і гартаваную кераміку. З пачатку [[20 стагоддзе|XX ст.]] набылі пашырэнне вырабы, аздобленыя размалёўкай светла-жоўтым ангобам у выглядзе завіткоў, кропак, парасткаў, паліваныя ўсярэдзіне і звонку бясколернай палівай. Акрамя гаспадарчага посуду (збанкі, гаршкі, спарышы, міскі, слоікі) майстры А.Траяноўскі, М. Шчадзінскі, А. Рыжкоў і іншыя выраблялі утылітарна-дэкаратыўны (цукарніцы, цукерачніцы, маслёнкі) і фігурны посуд у выглядзе жывёл, а таксама цацкі, скарбонкі, попельніцыз лепкай. У наш час выраб традыцыйныйнага асартыменту посуду і цацак працягваецца.
