Роберт Мугабэ

Роберт Габрыэль Мугабэ (шона Robert Gabriel Mugabe [muɡaɓe], англ. Robert Gabriel Mugabe [mʊɡɑ ː beɪ]; 21 лютага 1924) — прэм'ер-міністр Зімбабвэ з 1980, прэзідэнт з 1987.

Веравызнанне - каталік. Вучыўся ў езуіцкай школе. Па адукацыі настаўнік (ступень бакалаўра). Заснавальнік леванацыяналістычнага (мааісцкага) партызанскага руху Афрыканскі Нацыянальны Саюз Зімбабвэ (ЗАНУ) (1963). Пасля прыходу да ўлады усталяваў аднапартыйную дыктатуру. Вядомы ганеннямі на «белых фермераў» (2001) і крытычнымі выказваннямі ў адрас ЗША. У палітыцы заяўляе прыхільнасць сацыялізму праз адмову ад рынкавай эканомікі па праграме МВФ, выступае прыхільнікам нацыяналізацыі прамысловасці і канцэпцыі «жорсткіх коштаў» на жыццёва-неабходныя тавары.