Анюй (прыток Амура)

Анюй — рака ў Хабараўскам краі Расіі, правы прыток Амура. Упадае ў правабярэжную Найхінскую пратоку ніжэй вёскі Найхін Нанайскага раёна (паміж Хабараўскам і Камсамольскам-на-Амуры). Працякае па Анюйскім нацыянальным парку.

Анюй
руск. Анюй
Мост цераз раку Анюй на аўтатрасе Хабараўск — Камсамольск-на-Амуры
Характарыстыка
Даўжыня	393 км
Басейн	12 700 км²
Вадацёк
Выток
• Каардынаты	48°14′56″ пн. ш. 137°41′49″ у. д.
Вусце	Амур
• Месцазнаходжанне	пратока Найхінская, сяло Найхін
• Каардынаты	49°18′00″ пн. ш. 136°26′48″ у. д.
Размяшчэнне
Водная сістэма	Амур → Ахоцкае мора
Краіна	Расія
Рэгіён	Хабараўскі край
Раён	Нанайскі раён
Код у ДВР	20030900112118100070017
выток вусце
— выток, — вусце
Медыяфайлы на Вікісховішчы

Даўжыня ракі — 393 км, плошча вадазборнага басейна — 12 700 км². Бярэ пачатак на схілах хрыбта Сіхатэ-Алінь. У верхнім цячэнні — горная рака, у ніжнім — раўнінная, працякае па шырокай даліне з нізкімі забалочанымі берагамі. Паблізу вусця разбіваецца на рукавы, пратокі і старыцы.

Галоўны прыток — Манома (198 км).

Найбольш буйныя прытокі Анюя: Тормасу (75 км), Габілі (97 км), Подзі (70 км), Дымні (61 км).