Сусветны фонд дзікай прыроды
Сусветны фонд дзікай прыроды (World Wildlife Fund, WWF) — міжнародная грамадская арганізацыя, якая працуе ў сферах, якія тычацца захавання, даследавання і аднаўлення навакольнага асяроддзя. Гэта найбуйнейшая ў свеце незалежная прыродаахоўная арганізацыя з больш чым 5 мільёнамі прыхільнікаў ва ўсім свеце[6], якая працуе ў больш чым 100[6] краінах, якая падтрымлівае каля 1 300 [7] прыродаахоўных праектаў ва ўсім свеце.
| Сусветны фонд дзікай прыроды | |
|---|---|
.svg){kind=logo} | |
_01.jpg) | |
| Тып | грамадская арганізацыя[1] |
| Год заснавання | 29 красавіка 1961[2] |
| Заснавальнікі | Edward Max Nicholson[d], Бернард цур Ліпэ-Бістэрфельд[d], Філіп, герцаг Эдынбургскі, Guy Mountfort[d], Джуліян Хакслі, Peter Scott[d] і Luc Hoffmann[d] |
| Размяшчэнне | |
| Колькасць супрацоўнікаў |
|
| Даччыныя арганізацыі | World Wide Fund for Nature (United Kingdom)[d], World Wide Fund for Nature (Italy)[d], World Wide Fund for Nature (Switzerland)[d], World Wide Fund for Nature (Tanzania)[d], WWF Deutschland[d], World Wildlife Fund (USA)[d], World Wide Fund for Nature (Indonesia)[d], World Wide Fund for Nature (Cameroon)[d], WWF Japan[d], WWF France[d], WWF Turkey[d], Fundación Vida Silvestre Argentina[d], WWF Spain[d] і WWF Denmark[d] |
| Вэб-сайт | wwf.org (англ.) |
Місія Сусветнага фонду дзікай прыроды заключаецца ў прадухіленні нарастаючай дэградацыі натуральнага асяроддзя планеты і дасягненні гармоніі чалавека і прыроды. Галоўная мэта — захаванне біялагічнай разнастайнасці Зямлі.[6]
Сімволіка правіць
Сімвал Сусветнага фонду дзікай прыроды — вялікая панда.
У 1929 годзе чуткі аб тым, што ў лясах Кітая жыве дзіўны чорна-белы мядзведзь, атрымалі рэальнае пацвярджэнне. У Вашынгтоне на ўсеагульны агляд было выстаўлена пудзіла панды. Рушыўшыя за гэтым спробы прывезці ў Амерыку жывую панду, кожны раз канчаліся смерцю жывёлы. І толькі пасля вайны, кітайцы, якія ўмелі ў адрозненне ад амерыканцаў і еўрапейцаў абыходзіцца з пандамі, сталі вазіць іх па найбуйнейшым заапарках свету. Падчас знаходжання панды Чы-Чы ў лонданскім заапарку, яе ўбачыў адзін з заснавальнікаў Сусветнага фонду дзікай прыроды — навуковец і мастак-анімаліст сэр Пітэр Скот. Ён зрабіў стылізаваны партрэт панды і вырашыў, што малюнак гэтай лагоднай жывёлы, якая мела патрэбу ў абароне, стане выдатным сімвалам новага фонду.
Панда — адна з рэдкіх жывёл, занесеных у Міжнародную Чырвоную кнігу.
Даклады фонду правіць
Даклад WWF «Жывая планета» выходзіць раз у два гады. Яго называюць адной з самых цытуемых і аўтарытэтных у свеце крыніц інфармацыі аб экалагічным становішчы на планеце. Распрацоўкай даклада займаюцца навукоўцы з Лонданскага заалагічнага таварыства і Сусветнай сеткі экалагічнага следу. Даклад вызначае здароўе планеты па некалькіх паказчыках: стан папуляцый жывёл, выкарыстанне прыродных рэсурсаў чалавецтвам, выкарыстанне аднаўляемых крыніц энергіі і рэсурсаў, колькасць прэснай вады, што спажываецца пры вытворчасці і г. д.[8]
Дакладу WWF, аднак, давяраюць не ўсё. Напрыклад, заходняя прэса адзначае, што ў дакладзе за 2010 год эксперты назіралі толькі за 2,5 тыс. відаў жывых арганізмаў, у той час як на зямлі іх больш за 2 мільёны. Пры гэтым выказваліся асцярогі, што выбарка была не выпадковай, а ўключала ў асноўным тыя віды, якія знаходзяцца на мяжы вымірання[8].
Прэзідэнты правіць
| Гады працы | Імя |
|---|---|
| 1962—1976 | Бернард цур Ліпэ-Бістэрфельд |
| 1976—1981 | Джон Лоўдан |
| 1981—1996 | Філіп, герцаг Эдынбургскі |
| 1996—1999 | Саед Бабар Алі |
| 2000 | Руўд Люберс |
| 2000—2001 | Сара Морысан |
| з 2001 | Эмека Аньяоку |
Гл. таксама правіць
Зноскі
- ↑ https://www.spiegel.de/wissenschaft/natur/wwf-was-genau-ist-der-world-wide-fund-for-nature-a-1256406.html Праверана 20 сакавіка 2020.
- ↑ https://wwf.panda.org/knowledge_hub/history/ Праверана 27 верасня 2019.
- ↑ https://wwf.panda.org/wwf_offices/wwf_international/ Праверана 17 лістапада 2020.
- ↑ http://wwf.panda.org/knowledge_hub/history/seventies Праверана 17 лістапада 2020.
- ↑ https://www.rts.ch/info/economie/12155919-soixante-ans-dambiguite-entre-le-wwf-et-les-multinationales.html
- ↑ а б в WWF in Brief (англ.)
- ↑ WWF conservation projects around the world (англ.)
- ↑ а б Валентин Мальцев Выдержит ли нас планета? Архівавана 30 верасня 2011. (руск.)
- ↑ WWF Presidents of the Organization over its history (англ.)