Алабамскі ўніверсітэт

Алабамскі ўніверсітэт (англ.: University of Alabama) — амерыканская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Таскалуса ў штаце Алабама.

Алабамскі ўніверсітэт
англ.: University of Alabama
Арыгінальная назва	англ.: University of Alabama
Заснаваны	1820
Студэнты	37 100 і 59 226
Размяшчэнне	Таскалуса, Алабама, ЗША
Сайт	ua.edu
Медыяфайлы на Вікісховішчы

Агульная характарыстыка

Універсітэт заснаваны ў 1820 годзе і быў адкрыты для студэнтаў у 1831 годзе. Ён з'яўляецца старэйшым і буйнейшым дзяржаўным універсітэтам штата.

Універсітэт прапануе праграмы навучання ў 13 акадэмічных каледжах і школах, якія дазваляюць атрымаць ступені бакалаўра, магістра, спецыяліста і доктара. Адзіная дзяржаўная школа права ў штаце знаходзіцца менавіта ў Алабамскім ўніверсітэце. Іншыя акадэмічныя праграмы, недаступныя ў іншых месцах у Алабаме, уключаюць праграмы ў галіне антрапалогіі, камунікацый і навук аб інфармацыі, металургічнай інжынерыі, музыкі, раманскіх моў і сацыяльнай працы.

Будучы адным з першых дзяржаўных універсітэтаў, створаных яшчэ ў пачатку ХІХ стагоддзя на тагачаснай паўднёва-заходняй мяжы Злучаных Штатаў, універсітэт пакінуў значны след у гісторыі штата, рэгіёна і дзяржавы за апошнія два стагоддзі. Вучэльня была цэнтрам актыўнасці падчас Грамадзянскай вайны ў ЗША і руху за грамадзянскія правы.

Структура

• Каледж мастацтваў і навук
• Каледж бізнесу
• Каледж камунікацыі і навук аб інфармацыі
• Каледж навук аб грамадскім здароўі
• Каледж бесперапыннага навучання
• Каледж адукацыі
• Каледж інжынерыі
• Школа аспірантуры
• Ганаровы каледж
• Каледж навук аб атачэнні чалавека
• Школа права
• Каледж медсястрынства
• Школа сацыяльнай працы

Гл. таксама

• Спіс універсітэтаў штата Алабама

Спасылкі

• На Вікісховішчы ёсць медыяфайлы па тэме Алабамскі ўніверсітэт
• Афіцыйная інтэрнэт-старонка ўстановы