Амнібусны выпуск
Амні́бусны вы́пуск, таксама ідэнты́чны вы́пуск, ідэнты́чная, або амні́бусная, се́рыя (англ.: omnibus issue; ад лац.: omnibus — «для ўсіх») — у філатэліі выпуск паштовых марак, які ажыццяўляецца шэрагам краін або тэрыторый на агульную тэму і, магчыма, з адзіным агульным малюнкам.
![](http://upload.wikimedia.org/wikipedia/commons/thumb/9/99/Portuguese_Timor_stamp_%C2%BD_avo_1898_issue.jpg/220px-Portuguese_Timor_stamp_%C2%BD_avo_1898_issue.jpg)
Амнібусныя выпускі часта эмітавалі краіны, якія знаходзіліся пад агульным палітычным кантролем, або групы калоній, дзякуючы наяўнасці шчыльнага супрацоўніцтва, якое было неабходным для арганізацыі і ажыццяўлення такой эмісіі.
Амнібусныя выпускі варта адрозніваць ад сумесных выпускаў, якія звычайна значна меншыя па аб'ёме. Рык Мілер адносіць да амнібусных выпускаў сумесныя або каланіяльныя выпускі пяці і болей паштовых адміністрацый на агульную тэму.