Андэрграўнд
Андэграўнд або андэрграўнд (англ. underground літар. падполле) — шэраг мастацкіх кірункаў у сучасным мастацтве (у музыцы, літаратуры, кіно, выяўленчым мастацтве і інш.), якія супрацьпастаўлялі сябе масавай культуры, мэйнстрыму.
Для андэграўнду характэрныя разрыў з пануючай ідэалогіяй, ігнараванне стылістычных і моўных абмежаванняў, адмова ад агульнапрынятых каштоўнасцей, норм, ад сацыяльных і мастацкіх традыцый, нярэдка эпатаж публікі, бунтарства. Як правіла, такія творы альбо выдаюцца нелегальна, альбо пішуцца «у стол», гэта значыць без надзеі на публікацыю. Аднак з цягам часу забароны слабеюць або здымаюцца, у гэтым выпадку твор прыходзіць да чытача, хоць і з пэўнай затрымкай. Таксама тэрмінам андэграўнд вельмі часта пазначаюць агульныя кірункі ў музыцы, якая не падтрымлівае класічныя шляхі.
Тэрмін пачаў ужывацца ў другой палове XX стагоддзя, па стаўленні:
- да краін, дзе мастацтва было падпарадкаванае дзяржаўнай ідэалогіі;
- да плыняў у развітых краінах, дзе масавае мастацтва арыентуецца на рынак.
У сучасным свеце інфармацыйных тэхналогій з'яўляецца вялікае мноства рухаў і супольнасцей, якія можна аднесці да андэграўнду.
Спасылкі
правіць
На Вікісховішчы ёсць медыяфайлы па тэме Андэрграўнд- Культурны андэграўнд Беларусі Архівавана 5 сакавіка 2010.
