Ардэненгау

Ардэненгау (ням.: Ardennengau) — франкская вобласць (Гау), пазней графства ў раёне сучаснай мяжы Бельгіі, Люксембурга і Германіі.

Назва Ардэны вядома яшчэ з I стагоддзя да н.э., калі Юлій Цэзар у сваёй кнізе «Запіскі пра Гальскую вайну» назваў горны ланцуг паміж Маасам, Рэйнам і Мозелем Arduenna silva (Ардэнскі лес).

Пасля ўтварэння Франкскай імперыі ўзніклі адміністрацыйныя адзінкі (гау), на чале якіх стаяў гаўграф. Адной з такіх гау стала Ардэненгау, якое размяшчалася паміж Айфельгау (на поўначы) і Бідгау (на ўсходзе). Графства існавала ў перыяд з каля 840 да 1028 года, кіраўнікі яго паходзілі з дому Вігерыхідаў (таксама званага Ардэнскім домам).

Графы Ардэненгау

• Адалард (пам. каля 870)
• Одакар (пам. пасля 880)
• Ліўтфрыд (пам. пасля 895)
• Вігерых (пам. каля 919), граф Ардэненгау і Бідгау, пфальцграф Латарынгіі
• Гозлін (Газела) (пам. 942), граф Ардэненгау і Бідгау, абат Горца, сын Вігерыха
• Гізельберт I (пам. да 965), граф Ардэненгау, сын Вігерыха
• Зігфрыд (пам. 997), граф Люксембурга
• Гізельберт II (пам. 1004), граф Ардэненгау, сын Зігфрыда I Люксембургскага
• Газела (II) (пам. каля 1028), граф Ардэненгау, унук Гозліна

Гл. таксама

• горы Ардэны
• Вігерыхіды

Спасылкі

• Familie der Ardennergrafen (ням.). Mittelalterliche Genealogie im Deutschen Reich bis zum Ende der Staufer. Архівавана з першакрыніцы 26 сакавіка 2012. Праверана 18 снежня 2011.
• Nobility of Lower Lotharingia: COMTES d'ARDENNE (англ.). Foundation for Medieval. Архівавана з першакрыніцы 23 сакавіка 2012. Праверана 18 снежня 2011.