Асалінеум

Нацыянальны інстытут імя Асалінскіх (польск.: Zakład Narodowy im. Ossolińskich), або Асалінеум (польск.: Ossolineum) — навуковая і культурніцкая ўстанова Польшчы. Заснаваны ў 1817 годзе графам Юзафам Максімільянам Асалінскім у Львове ў памяшканні колішняга кляштара сёстраў ордэна кармелітак абутых.

Славутасць
Асалінеум
51°06′49″ пн. ш. 17°02′12″ у. д.
Краіна	Польшча
Месцазнаходжанне	Уроцлаў
Дата заснавання	4 чэрвеня 1817
Сайт	ossolineum.pl (польск.) ossolineum.pl/ind… (англ.)
Медыяфайлы на Вікісховішчы

Будынак у Львове, дзе размяшчаўся Асалінеум

Уроцлаўскі будынак Асалінеума. Выгляд з вострава Пясек

Бібліятэка Асалінскіх налічвала кнігі з калекцыяў графаў Любамірскіх, Сапегаў, Скарбкаў і іншых прыватных збораў. У 1827 годзе на аснове бібліятэкі было створана польскае навукова-даследчае таварыства «Асалінеум», або «Інстытут Асалінскіх». У аўстра-венгерскі перыяд таварыства стала цэнтрам польскага навуковага жыцця падобна да ўкраінскага Навуковага таварыства імя Шаўчэнкі. Да 1939 года пры ім дзейнічалі таксама выдавецтва і музей імя Любамірскіх.

Падчас савецкай акупацыі ў 1939 годзе Інстытут Асалінскіх быў зачынены. За нямецкай акупацыяй на аснове яго фондаў была створана Дзяржаўная бібліятэка Львова (ням.: Staatsbibliothek Lemberg), а частка калекцыі перавезеная ў Кракаў.

У 1947 годзе 30 % фондаў было перададзена Польскай народнай рэспубліцы. Зборы былі адкрыты для чытачоў ва Уроцлаве ў верасні таго ж года. Наўзамен у Львове заснавана Нацыянальная бібліятэка імя Васіля Стэфаніка.

Спасылкі

• На Вікісховішчы ёсць медыяфайлы па тэме Асалінеум
• Нацыянальны інстытут імя Асалінскіх Архівавана 30 красавіка 2011.
• Выдавецтва Асалінеум
• Як паўставаў львоўскі Асалінеум
• Эвакуацыя польскіх збораў са Львова ў 1944 годзе.