Бусел (БПЛА)

Бусел
Бусел
Тып	беспілотны лятальны апарат
Распрацоўшчык	Фізіка-тэхнічны інстытут НАН Беларусі
Вытворца	558-ы авіяцыйны рамонтны завод
Галоўны канструктар	Нацыянальная акадэмія навук Беларусі
Першы палёт	2010/2011
Эксплуатанты	Беларусь
Варыянты	«Бусел-М», «Бусел МБ2», «Бусел М40», «Бусел М50»

«Бусел» — беларускі беспілотны лятальны апарат, распрацаваны фізіка-тэхнічным інстытутам НАН Беларусі.

Гісторыя

Распрацоўка і праектаванне пачаліся ў канцы 2000-х гадоў. У снежні 2011 года беларускія спецыялісты правялі першы палёт для шматмэтавага беспілотнага лятальнага апарата «Бусел»^[2]. Паводле іншай інфармацыі, тэсціроўка пачалася ў 2010 годзе на расійскім палігоне^[3]. Выпрабаванні прайшлі паспяхова, таму неўзабаве праект атрымаў адабрэнне і паступіў у серыйную вытворчасць^[2]. У 2013-м «Бусел» паступае ў продажы^[3].

Характарыстыкі

Апарат мае даўжыню 2,4 м, размах крылаў — 3 м, вышыню — 0,4 м. Крэйсерская хуткасць палёту ў «Бусла» дасягае 80 км/г. Максімальна дрон можа развіць хуткасць да 100 км/г, далёкасць палёту — 40 км, пры гэтым падняцца ў вышыню на 3000 м^[2].

Прызначэнне

Дрон можа прымяняцца для розных задач, у тым ліку^[4]:

кантролю і вызначэння месцаў цеплавых страт на цеплатрасах, прамысловых обьектах і ў гарадской інфраструктуры;
маніторынгу тэрыторый вакол асабліва важных аб’ектаў, кантролю правапарадку ў месцах масавых мерапрыемстваў і на дарогах, вышыку аўтамабіляў;
выяўлення узгаранняў, радыяцыйнага кантролю, кантролю магістральных трубаправодаў, ацэнкі развіцця надзвычайных сітуацый, пошуку заблудных людзей у цяжкадаступных месцах;
маніторынгу тэрыторый нацыянальных паркаў, запаведнікаў, водных акваторый, барацьбы з браканьерствам;
кантролю мяжы і прылеглых тэрыторый;
вырабу праектнай і пошукавай прадукцыі землеўпарадкавання, зямельнага кадастру і маніторынгу зямель.