Міністэрства ўнутраных спраў Рэспублікі Беларусь

Міністэ́рства ўну́траных спраў Рэспу́блікі Белару́сь (МУС Беларусі) — ведамства ўрада Беларусі, упаўнаважанае ажыццяўляць змаганне супраць злачыннасці, ахову грамадскага парадку і забеспячэнне грамадскай бяспекі. Міністр унутраных спраў і яго намеснікі прызначаюцца і здымаюцца з пасад прэзідэнтам. З 29 кастрычніка 2020 года пасаду міністра займае Іван Уладзіміравіч Кубракоў[2].

Міністэрства ўнутраных спраў Рэспублікі Беларусь
скарочана — МУС РБ
Emblem of the Ministry of Internal Affairs of Belarus.svg
Геральдычны знак — эмблема Міністэрства ўнутраных спраў Рэспублікі Беларусь
Вул. Гарадзкі Вал, 4, 6 -2.JPG
Будынак МУС РБ
Агульная інфармацыя
Краіна
Юрысдыкцыя Беларусь
Дата стварэння 1 сакавіка 1991
Папярэдняе ведамства Міністэрства ўнутранных спраў БССР
Кіраўніцтва дзейнасцю ажыццяўляе Прэзідэнт Рэспублікі Беларусь
Штаб-кватэра 220030, Мінск, вул. Гарадскі Вал, д. 4
Колькасць супрацоўнікаў 98 000 (2017[1])
Міністр Іван Уладзіміравіч Кубракоў
Сайт mvd.gov.by

Прэзідэнтам таксама ўхваляецца склад калегіі міністэрства з удзелам міністра, яго 5 намеснікаў[3] і начальнікаў дэпартаментаў МУС, а таксама намесніка дзяржаўнага сакратара Савета Бяспекі Рэспублікі Беларусь. Пасяджэнні калегіі праводзяцца раз у тры месяцы і з’яўляюцца правамоцнымі пры наяўнасці дзвюх трацінаў членаў. Рашэнні ўхваляюцца простаю большасцю галасоў і ажыццяўляюцца загадамі і пастановамі міністэрства.

ГісторыяПравіць

З абвяшчэннем палітычнага і эканамічнага суверэнітэту Беларусі, 25 жніўня 1991 года Вярхоўны Савет Беларускай ССР прыняў закон «Аб некаторых зменах у сістэме органаў дзяржаўнага кіравання Беларускай ССР», якім ператварыў саюзна-рэспубліканскае Міністэрства ўнутраных спраў БССР у рэспубліканскае Міністэрства ўнутраных спраў, падпарадкаваўшы яму ўнутраныя войскі МУС СССР і яго навучальныя ўстановы, размешчаныя на тэрыторыі рэспублікі.

У канцы лістапада 2020 года паміж МУС Рэспублікі Беларусь і Федэральнай службай войскаў нацыянальнай гвардыі Расійскай Федэрацыі было заключана пагадненне аб супрацоўніцтве ў сферы «дзяржаўнай і грамадскай бяспекі»[4].

МіністрыПравіць

Міліцыя Рэспублікі БеларусьПравіць

Міліцыя РБ кіравалася Законам аб міліцыі № 637-XII, які быў прыняты 26 лютага 1991 года, калі БССР уваходзіла ў склад СССР. Пазней закон некалькі разоў мяняўся. На дадзены момант МУС кіруецца наступным законам: Закон Рэспублікі Беларусь аб Органах Унутраных Спраў № 263-З ад 17.07.2007 г. Асобнай пастановы Вярхоўнага Савета РБ аб стварэнні міліцыі РБ не было, сучасная Рэспубліка Беларусь гэта па сутнасці пераназваная БССР, якая выйшла са складу СССР. Таму ў сучаснай Беларусі святкуюць савецкія святы, пачатак міліцыі вядуць ад 4 сакавіка 1917 года. У гэты дзень у Мінску ў Расійскай дзяржаве былі створаны рэвалюцыйныя органы правапарадку, якія выкарыстоўвалі базу і кадры былой царскай паліцыі.

Ніжэй тэкст прысягі супрацоўнікаў МУС першай паловы 1990-х гадоў.


ПРЫСЯГА
радавога і начальніцкага складу органаў
унутраных спраў Рэспублікі Беларусь
Я,____________________________________паступаючы на службу ў органы ўнутраных спраў Рэспублікі Беларусь, прысягаю на вернасць Рэспубліцы Беларусь і яе народу. Клянуся свята выконваць Канстытуцыю і законы Рэспублікі Беларусь, загады камандзіраў і начальнікаў, высока несці гонар і годнасць работніка органаў унутраных спраў, не шкадуючы свайго жыцця абараняць правы, свабоды і законныя інтарэсы грамадзян, грамадства і дзяржавы ад злачынных і іншых проціпраўных замахаў. Абавязуюся быць сумленным, незалежным і справядлівым, строга захоўваць дзяржаўную і службовую тайны, а таксама давераную мне маёмасць і табельную зброю. Калі ж я парушу гэту маю ўрачыстую Прысягу, то гатовы несці адказнасць па законах Рэспублікі Беларусь.
«. . .»……………………199 года_____________________________

Строй, званніПравіць

Строй МУС, знакі адрознення мяняліся некалькі разоў. Першы ўзор строя быў распрацаваны ў 1992 годзе. У 1993 годзе гэты строй атрымаў значныя змены і выкарыстоўваўся да рэферэндума 1995 года. Пасля рэферэндума супрацоўнікі насілі строй без нашывак з Пагоняй. У 1996 годзе строй атрымаў чарговыю мадыфікацыю — былі ўведзены чорныя нашыўкі з гербамі абласных гарадоў і белыя цэшкі з новым гербам. У 1997 годзе міліцыя атрымала новыя кіцелі і наплечнікі-муфты з шэрымі зоркамі і паскамі. У 2000 годзе замест шэра-зялёнага быў уведзены шэра-блакітны строй, новыя наплечнікі з чырвонымі паскамі. У 2003 годзе наплечнікі атрымалі жоўтыя паскі. У 2006 годзе адбылася чарговая рэформа строя. Змяніліся фуражкі, цэшкі.

На малюнках ніжэй наплечнікі мадэлі 2017 года.

Радавыя Малодшы начальніцкі састаў
Пагон міліцыі                
Здымныя муфты для пагонаў                
Званне Радавы

(курсант)

Радавы Малодшы
сяржант
Сяржант Старшы
сяржант
Старшыня Прапаршчык Старшы
прапаршчык
Сярэдні начальніцкі састаў Старшы начальніцкі састаў Найвышэйшы начальніцкі састаў
Пагон міліцыі                    
Здымныя муфты для пагонаў                    
Званне Малодшы
лейтэнант
Лейтэнант Старшы
лейтэнант
Капітан Маёр Падпалкоўнік Палкоўнік Генерал-маёр Генерал-лейтэнант Генерал-палкоўнік

У філатэлііПравіць

Зноскі

  1. Больше полумиллиарда долларов. Военные расходы Беларуси выросли // Tut.by, 28 марта 2018
  2. Назначэнне Міністра ўнутраных спраў (бел.) . Прэс-служба Прэзідэнта Рэспублікі Беларусь. Праверана 5 лістапада 2020.
  3. Указ прэзідэнта Рэспублікі Беларусь ад 28 снежня 2001 г. № 780 (руск.) . Нацыянальны прававы інтэрнэт-партал Рэспублікі Беларусь. Праверана 21 жніўня 2010.
  4. «Ёсць падстава біць у званы, бо такое пагадненне — форма ўмяшання ў нашы ўнутраныя справы». Новы Час (18 снежня 2020). Праверана 26 студзеня 2021.

СпасылкіПравіць