Ба́я (венг.: Baja) — горад на поўдні Венгрыі, размешчаны на левым беразе Дуная. Бая — другі па велічыні горад медзье Бач-Кішкун, пасля сталіцы — Кечкемета. Насельніцтва — 37 690 жыхароў (2005). Бая знаходзіцца за 150 км на поўдзень ад Будапешта і за 108 км на паўднёвы захад ад Кечкемета. Горад стаіць на левым беразе Дуная, які падзяляе тут два вялікія рэгіёны — Альфёльд і Паўднёва-Задунайскі край. Таксама ў горадзе працякае рака Шугавіца. У Баі сканчаюцца дзве аўтадарогі — магістраль Будапешт — Шольт — Бая, якая ідзе ўздоўж Дуная, і дарога Сегед — Бая, якая ідзе з усходу на захад. У горадзе таксама ёсць чыгуначная станцыя і рачны порт.
.svg){kind=small}
