Беларуская (пячора)
Беларуская пячора — вапняковая пячора ў Гудауцкім раёне Абхазіі, на паўднёвым схіле Бзыбскага хрыбта.
Беларуская пячора | |
---|---|
Размяшчэнне | Абхазія |
Глыбіня | 210 м |
Даўжыня | 300 м |
Аб'ём | 45 000 м³ |
Год адкрыцця | 1980 |
Лік уваходаў | 1 |
Катэгорыя складанасці | 2Б |
Апісанне правіць
Працягласць пячоры — 300 м, глыбіня — 210 м, плошча — 300 м², аб’ём — 45000 м³, вышыня ўваходу — 800—850 м[1].
Уваходная адтуліна — правал дыяметрам 7 м. На нахільным дне 80-мятровага калодзежа глыбавы завал і вузкі праход да каскаду ўнутраных калодзежаў глыбінёй ад 10 да 50 м з кароткімі гарызантальнымі ўчасткамі паміж імі. Паражніна канчаецца глыбавымі наваламі на глыбіні 195 м і вузкай вертыкальнай шчылінай (-210 м)[2].
Пячора закладзена ў ніжнемелавых вапняках. Падчас дажджоў адзначаны моцны капёж.
Гісторыя правіць
Шахта выяўлена ў 1980 годзе, пройдзена да 100 м экспедыцыяй мінскіх спелеолагаў пад кіраўніцтвам М. В. Валькова і названа ў гонар Беларусі. У 1981 годзе дасягнута глыбіня 205 м (кіраўнік экспедыцыі В. Б. Залескі), а ў 1981 годзе −210 м (кіраўнік экспедыцыі В. Трусаў).