Бой за замак Ітэр
Бой за замак Ітэр — узброенае сутыкненне, якое адбылося 5 мая 1945 года ў аўстрыйскім мястэчку Ітэр ля аднайменнага замка. Гэта быў адзіны бой Другой сусветнай вайны, у якім амерыканцы і немцы змагаліся разам[2].
| Бой за замак Ітэр | |||
|---|---|---|---|
| Асноўны канфлікт: Другая сусветная вайна | |||
 Замак Ітэр у 1979 годзе. | |||
| Дата | 5 мая 1945 | ||
| Месца |
 Ціроль, Аўстрыя) |
||
| Вынік | перамога абаронцаў | ||
| Праціўнікі | |||
|
|||
| Камандуючыя | |||
|
|||
| Сілы бакоў | |||
|
|||
| Страты | |||
|
|||
.svg){kind=small}
.svg){kind=small}
Перадгісторыя
правіцьУ 1943 годзе нямецкія ўлады арганізавалі лагер для ваеннапалонных у аўстрыйскім замку Ітэр[3] (збудаванне XIII стагоддзя). Тут утрымліваліся пераважна высокапастаўленыя французскія палоннікі, сярод якіх былі былыя прэм’ер-міністры Поль Рэйно і Эдуар Даладзье, былыя галоўнакамандуючыя генералы Максім Вейган і Марыс Гамелен, а таксама заўважны палітычны дзеяч Франсуа Дэ ля Рок і прафсаюзны лідар Ліён Жуо. У той жа час там знаходзіліся вязні з Усходняй Еўропы[4].
Ход падзей
правіць4 мая начальнік аховы замка Себасцьян Вімер і некалькі яго падначаленых беглі, а зняволеныя ўзялі аб’ект пад свой кантроль. Французы паведамілі пра сітуацыю ў размешчанае непадалёк амерыканскае падраздзяленне (23-і танкавы батальён 12-й бранятанкавай дывізіі). Амерыканцы арганізавалі выратавальную аперацыю. Да іх далучыліся дзесяць нямецкіх салдат пад кіраўніцтвам маёра Ёзефа Гангля, якія незадоўга да гэтага здаліся ў палон, пакінуўшы замак. Усімі сіламі кіраваў лейтэнант Джон Лі (англ.: John C. Lee). Часці 17-й матарызаванай дывізіі СС «Гец фон Берліхінген» агульнай колькасцю 150—200 чалавек паспрабавалі вярнуць кантроль над замкам. Падчас нападу Гангль, убачыўшы, што Рэйно па неасцярожнасці падстаўляецца пад абстрэл, пабег да яго і імгненна загінуў ад стрэлу снайпера. Аднак у рэшце рэшт атака на замак была адбіта[5], а накіраваны эсэсаўцамі ў Ітэр гаўптштурмфюрар Курт-Зігфрыд Шрадэр далучыўся да абаранялых[6].
У культуры
правіць- Песня «The Last Battle» шведскай паўэр-метал-групы Sabaton, якая ўвайшла ў альбом «The Last Stand».
- Эпізод «Ворагі-саюзнікі» дакументальнага серыяла «Апошнія крокі Гітлера» тэлеканала National Geographic.
Зноскі
- ↑ Bell, Bethany (2015-05-07). "The Austrian castle where Nazis lost to German-US force". BBC News
- ↑ Робертс, Э.. Самая странная битва Второй мировой войны — это когда американцы и немцы сражались вместе (руск.). иноСМИ.ру (15 мая 2013). Архівавана з першакрыніцы 12 ліпеня 2018. Праверана 12 ліпеня 2018.
- ↑ Harding 2013, pp. 11–13.
- ↑ Harding 2013, pp. 72 and 181.
- ↑ В какой битве Второй Мировой войны немцы и американцы сражались на одной стороне?. Архівавана з першакрыніцы 28 снежня 2014. Праверана 28 снежня 2014.
- ↑ «Battle for Castle Itter»; SS-Hauptsturmführer Kurt-Siegfried Schrader’s memoir — Main Discussion — History of the Waffen SS Forum. Архівавана з першакрыніцы 11 снежня 2019. Праверана 11 снежня 2019.
Літаратура
правіць- Harding, Stephen (2013). The Last Battle: When U.S. and German Soldiers Joined Forces in the Waning Hours of World War II in Europe. Da Capo Press. ISBN 978-0-306-82209-4.
Спасылкі
правіць- Самая странная битва Второй мировой войны — когда американцы и немцы сражались вместе Архівавана 22 верасня 2022.
- World War II’s Strangest Battle: When Americans and Germans Fought Together (англ.)
- Mike Perry — Castle Itter: Strangest Battle of the War (Part 1) (англ.)
- Mike Perry — Castle Itter: Strangest Battle of the War (Part 2) (англ.)