Вадзім Аляксандравіч Васюцінскі

Вадзім Аляксандравіч Васюцінскі (укр.: Вадим Олександрович Васютинський) — украінскі псіхолаг, доктар псіхалагічных навук, прафесар, загадчык лабараторыі псіхалогіі мас і супольнасцяў Інстытута сацыяльнай і палітычнай псіхалогіі НАПН Украіны. Актыўны ўдзельнік беларускага размоўнага клуба ў Кіеве.

Вадзім Аляксандравіч Васюцінскі
Вадим Олександрович Васютинський
Дата нараджэння	21 студзеня 1955(1955-01-21) (69 гадоў)
Месца нараджэння	Сэрэбрыя, Магілёў-Падольскі раён, Вінніцкая вобласць, УССР, СССР
Грамадзянства	Украіна
Род дзейнасці	навуковец
Навуковая сфера	псіхалогія
Месца працы	Інстытут сацыяльнай і палітычнай псіхалогіі НАПН Украіны[d]
Навуковая ступень	доктар псіхалагічных навук
Навуковае званне	прафесар
Альма-матар	філасофскі факультэт Кіеўскага нацыянальнага ўніверсітэта імя Тараса Шаўчэнкі[d] (1977)

Біяграфія

Нарадзіўся 21 студзеня 1955 у вёсцы Сэрэбрыя Вінніцкай вобласці . З юнацтва цікавіцца беларускай мовай і беларускай літэратурай.

У 1977 годзе скончыў аддзяленне псіхалогіі філасофскага факультэта Кіеўскага дзяржаўнага ўніверсітэта імя Т. Шаўчэнкі.

Працаваў псіхолагам Львоўскай абласной псіхіятрычнай бальніцы (1977—1980), асістэнтам кафедры педагогікі і псіхалогіі Львоўскага дзяржаўнага універсітэта імя Івана Франка (1980—1985), інжынерам-псіхолагам аддзела кадраў Львоўскага вытворчага аб’яднання «Іскра» (1985—1986), псіхолагам службы сям’і Львоўскага гарадскога фірмы абрадавых паслуг (1986—1989), выкладчыкам Кіеўскага дзяржаўнага педагагічнага інстытута замежных моў (1992—1993). У 1992 годзе пасля заканчэння аспірантуры Інстытута псіхалогіі АПН Украіны абараніў кандыдацкую дысертацыю на тэму «Асаблівасці пола-ролевага самавызначэння хлопчыкаў-падлеткаў з няпоўнай сям’і».

З 1994 года прафесійная дзейнасць В. Васюцінскага звязана з Інстытутам сацыяльнай і палітычнай псіхалогіі НАПН Украіны (да 1996 года — Навукова-практычным цэнтрам палітычнай псіхалогіі). Ён працаваў загадчыкам лабараторыі псіхалогіі мас і арганізацый (1994—1998), вядучым навуковым супрацоўнікам лабараторыі метадалогіі псіхасацыяльных і палітыка-псіхалагічных даследаванняў (2001—2007), быў дактарант гэтага інстытута (1998—2001). З 2007 года працуе загадчыкам лабараторыі псіхалогіі мас і супольнасцяў. У 2006 годзе абараніў доктарскую дысертацыю на тэму «Інтэракцыйная псіхалогія ўлады».

Навуковая дзейнасць

В. А. Васюцінскі адным з бачных прадстаўнікоў сучаснай палітычнай псіхалогіі ва Украіне. Сярод найбольш значных навуковых вынікаў — стварэнне Інтэракцыйнай тэорыі ўлады, у якой усебакова асветлена сацыяльна-псіхалагічная прырода ўлады як дыскурсу інтэрсуб’ектнага ўзаемадзеяння, даследаваны асобасныя, ўзроставыя, гендэрныя, межполавыя, сямейныя, палітыка-ідэалагічныя вымярэння уладна-падначаленых адносін. В. А. Васюцінскі даследаваў праблемы псіхалогіі супольнасцяў, псіхалогіі беднасці як стылю жыцця, псіхалогіі масавай свядомасці і паводзін, праблемы культурна-этнічнай ідэнтычнасці. Сярод яго навуковых інтарэсаў — тэорыя і практыка псіхатэрапіі, ён з’яўляецца сертыфікаваным спецыялістам па групавога псіхааналізу.

В. А. Васюцінскі з’яўляецца членам Таварыства псіхолагаў Украіны (з 1989), Асацыяцыі палітычных псіхолагаў Украіны (з 1995), Украінскага саюза псіхатэрапеўтаў (з 2000), Украінскай асацыяцыі арганізацыйных псіхолагаў і псіхолагаў працы (з 2002), Польскай асацыяцыі сацыяльнай псіхалогіі (з 2011).

Цікавыя факты

В. А. Васюцінскі валодае беларускай мовай на высокім узроўні. Упершыню беларускую ён пачуў у юнацтве па радыё, пасля чаго на аматарскім узроўне пачаў яе вывучаць. Зараз Васюцінскі актыўны ўдзельнік беларускамоўнага размоўнага клуба, ініцыятар шматлікіх беларускіх літаратурных вечароў і тэатральных імпрэз.